#黎明#（Leon）現於紅館舉行一連9場《Leon黎明Talk & Sing 2021紅館演唱會》，頭3場都有嘉賓環節，其中首場與#林海峰#合唱MIRROR人氣王姜濤的《蒙着嘴說愛你》，更掀起全城熱話！有網上專頁發文，要求網民一齊集氣，希望MIRROR擔任尾場嘉賓，更形容此舉是「完美交棒」，豈料貼文一出即辣着雙方粉絲，更與該專頁小編「開拖」！
有Leon粉絲鬧爆「交棒論」︰「呢個係黎明演唱會，點解要集氣請鏡仔？更加唔明交咩棒？完全唔同級數嘅人，唔該唔好拉埋嚟講！」亦有粉絲質疑有人公器私用︰「唔好講到全世界都鍾意MIRROR！」該專頁小編竟「還拖」︰「冇嘉賓就淨係睇明仔，有嘉賓就大家開心吓或者廁所位，各取所需！」言論一出，兩批粉絲嬲爆聯手夾攻︰「希望鏡仔做嘉賓唔係問題，但你話嘉賓係廁所位就冇尊重藝人！」
有指傳MIRROR任嘉賓，其實是黃牛黨炒燶飛，希望散播消息增加「銷情」，但其實Leon的演唱會一向甚少請嘉賓，今次有些場次亦沒請嘉賓。據知，MIRROR沒收到邀約做嘉賓，但就獲邀做座上客睇騷，雖然他們很想欣賞Leon演唱會，但因工作忙碌而未能出席。
伊健盼趕走疫情
另外，7月15日晚Leon第6場演出，邀得曾合作電影的#鄭伊健#做嘉賓，Leon自創全新示愛手勢，用手指做圓圈動作並放在眼前，表示「人群之中我只看到你」。伊健憶述當年他們拍完戲後，沙士就消失，希望今次合唱完，新冠肺炎疫情亦可盡快消失。

李國麟去年駐守內地，並加入帶貨行列。可惜一直狀況百出，試過直播8小時無人下單、試過賣衛生巾被問用後感、亦試過被質疑賣假貨。

李國麟昨晚又再直播，而今次sell嘅係唔少內地人都十分鍾意食嘅小龍蝦！直播時約有2千人收看，為咗令啲小龍蝦顯得更美味，李國麟將油淋淋嘅辣味小龍蝦當成薯片一樣，「隊」完一隻再一隻，邊「隊」邊讚:「太好吃了，你們趕快下單」不過唔知係咪啲龍蝦太辣，李國麟食到後期開始眼有淚光且嘴唇發黑，女助手見狀幫忙抹嘴之餘，又拎水比佢解辣……畫面睇落都幾令人心酸。有網民擔心李國麟半夜喪食小龍蝦會消化不良，又勸佢要量力而為，小心身體。

【On.cc】唔介意被叫「Forever Cheap」　曹永廉：最緊要大家睇得開心

藝人曹永廉正式加入無綫處境劇《愛．回家之開心速遞》大家庭，劇中飾演食屎陳師奶叔仔的他，與「熊家」有甚多對手戲，而阿廉的戲份今晚（3日）正式首晚「出街」，他接受東網訪問時，坦言與《愛》劇大家庭合作得很開心，更笑言：「都拍咗4集喇！好好玩呀！而且呢套劇收視咁高，沾吓啲光都好呀！」
劇中的他極貪小便宜，於熊家面前扮可憐，但又偷人豉油，更被劇中阿哥叫他做「Forever Cheap」，阿廉謂：「冇所謂，我覺得幾好笑呀！咁劇入面我叫陳永廉嘛，永遠都咁有廉恥，幾年前網上啲人已經咁叫我，只要鍾意我同唔鍾意我嘅人睇到開心就得，我哋做娛樂事業就係咁！最緊要大家睇到開心。」

阿廉向來搞笑，入《愛‧回家》定必帶畀大家歡樂。

劇中阿廉飾演食屎陳師奶叔仔。

同劉丹一家有好多對手戲。

角色貪心又口賤，觀眾得到好肉緊。

阿廉一劇接一劇，現時亦正在拍攝《破毒強人》的他，還有多套存貨播未，他謂：「仲有《痞子殿下》、《十八年後的終極告白2.0》未出，嚟緊我都要拍PTU套新劇，(咁咪未返得內地住?)希望10月可以啦！」

#曹永廉[超话]#