༄༅།།ཚོགས་འདུ་རྩ་འཛུགས་པའི་བཀོད་སྒྲིག་ལྟར། རང་ཉིད་ཀྱིས་དེ་རིང་སྔ་མོའི་ལས་རིམ་གཉིས་པའི་ཚོགས་འདུའི་གཙོ་སྐྱོང་བྱས་ཤིང་། ཕྱི་དྲོར་ཚོགས་ཐོག་ཏུ་སྐར་༢༥་རིང་གི་༼བོད་ཀྱི་སྤྱི་སྐད་ཇི་ལྟར་གཏན་འབེབས་བྱ་དགོས་པར་རང་གི་བསམ་ཚུལ་འགའ་གླེང་བ༽ཞེས་པའི་རྩོམ་ཐུང་ཞིག་སྙན་སྒྲོན་ཞུས། ང་རང་གིས་ཁ་བྱང་ཆེ་དྲགས་ཤིང་བཤད་སྲོལ་ཆེས་རྙིང་པ་ཡིན་ལ། གྲ་སྒྲིག་འཐུས་ཚང་རང་མེད་པའི་རྩོམ་ཡིག་འདི། ཐེངས་འདིར་ང་རང་ཚོགས་འདུར་ཞུགས་པའི་བགོ་སྐལ་ཐོབ་པའི་རིན་ཚབ་ལྟ་བུར་སྤྲད་པ་ཡིན། དེ་ཡང་ནན་ཁའེ་སློབ་ཆེན་ལ་༡༩༨༡་ལོར་གྲངས་ཉུང་མི་རིགས་ཀྱི་སྐད་བརྡ་རིག་པའི་འབུམ་རམས་པ་གསོ་སྐྱོང་བྱ་ཡུལ་ཐོག་མར་བཙུགས་པ་དེ་ནི། རང་རྒྱལ་གྱི་སློབ་ཆེན་གཞན་དག་ལས་ཆེས་སྔ་བ་དེ་ཡིན་ཞིང་། ཐེངས་འདིའི་ཚོགས་འདུ་རྩ་འཛུགས་གནང་མཁན་དང་། སྐད་བརྡ་རིག་པའི་དབྱར་སྦྱོང་འཛིན་གྲྭ་སྒྲུབ་མཁན་གཙོ་བོ་ཡིན་པའི་ནན་ཁའེ་སློབ་ཆེན་གྱི་སློབ་དཔོན་ཆེན་མོ་ཨ་ཚོགས་ལགས་ཀྱང་། རྒྱལ་ནང་གི་བོད་རིགས་ཀྱི་ནང་ནས་སྐད་བརྡ་རིག་པའི་འབུམ་རམས་པ་ཐོག་མ་དེ་ཡིན་པ་རེད། རང་ཉིད་ལ་མཚོན་ན་ཐེངས་འདིར་སློབ་སྦྱོང་ཙམ་མ་ཟད། མི་སྣ་མང་པོ་མཇལ་བའི་གོ་སྐབས་བཟང་པོ་ཞིག་ཐོབ་པར་ཡང་བརྩིས་ཆོག ཐེངས་འདིའི་ཚོགས་འདུར་ཕེབས་པའི་དགེན་བཙན་ལྷ་ངག་དབང་ལགས་ནི་དགུང་ལོ་༨༨་ལ་སླེབས་ཀྱང་། ད་དུང་ཐུགས་རིག་གསལ་ཞིང་རིགས་ཞེན་ཆེན་པོ་ཡོད་པའི་སྤྱོད་མཆོག་དེས། ཐེངས་འདིའི་ཚོགས་འདུའི་དོན་སྙིང་དེ་མཚོན་ནོ།།

༄༅།།དེ་རིང་གི་བོད་ཀྱི་སྐད་ཡིག་བགྲོ་གླེང་ཚོགས་འདུ་ཐོག་ཏུ་རྒྱལ་ཕྱི་ནང་གི་མཁས་དབང་མང་པོས། དེང་སྐབས་ཀྱི་སྐད་བརྡ་རིག་པའི་རྩ་བའི་རིག་པ་སྤྱད་དེ། བོད་སྐད་ཀྱི་འབྲེལ་ཡོད་སྐོར་གསུང་བཤད་གལ་ཆེན་མང་པོ་གནང་། ལྷག་པར་དུ་རྒྱལ་རོང་གི་སྐད་བོད་སྐད་ཡིན་མིན་གྱི་ཐད་དུ། མཁས་དབང་བཙན་ལྷ་ངག་དབང་དང་ཐུབ་བསྟན་ཕུན་ཚོགས་སོགས་ཀྱིས། ལུང་དང་རིགས་པ་བཀོད་དེ་དགག་སྒྲུབ་ལེགས་པར་བྱས་པ་དང་། དེ་བཞིན་དུ་ནུབ་བྱང་སློབ་ཆེན་གྱི་བྱ་མདོ་རྡོ་ལྷས་བོད་ཀྱི་ཡི་གེའི་གྲངས་ངེས་སྐོར་གསུངས་པ་སོགས་ལེགས་པར་བཤད་པ་མང་དུ་ཐོས། རང་ཉིད་ཀྱིས་དེ་རིང་སྔ་མོའི་མགོ་ཚུགས་མཛད་སྒོར་རྗེས་ལུས་ཐེབས་པའི་ངོ་ཚ་ཞིག་ཉོ་དགོས་བྱུང་ངོ་།།[偷笑][偷笑][偷笑]

#格萨尔文化#༄༅།།ཀྲུང་གོའི་ཤམ་ལྷ་ལ་ནང་བཞིན་ལྟ་ན་སྡུག་པའི་ཀན་ལྷོ་རྨ་ཆུའི་སྐབས་བཅུ་གཅིག་པའི་གེ་སར་རྟ་རྒྱུགས་དུས་སྟོན་གྱི་བྱ་དགའི་ཨང་རིམ།
中国·九色甘南香巴拉玛曲第十一届格萨尔赛马节获奖名单 https://t.cn/z8Aq7kr