我釣魚的路（158）爆石事件 2009年4月13號一釣真係幾難忘！當日好晴！白果就買

首页发布

我釣魚的路（158）爆石事件
2009年4月13號一釣真係幾難忘！當日好晴！白果就買咗大蝦，八爪話去釣大班！好！去咪去囉！一車就車咗去三門島對出散排，我地出到都有幾隻艇釣緊，白果一到位就鈎隻八爪落去，而我就理得你一於4號絲波子壓底蝦仔釣雜魚，到底都有吾少石底魚食餌，石狗石釘不斷上！釣咗陣見隔離艇上條大紅班，睇佢釣組係企頭絲鈎大蝦釣到，我就諗今日咁多石底魚開口食白果會有D機會啦！釣吓釣吓我有一口大大力～特埋嚟！正！一領佢就重！佢重我就抽！尼種食餌真係九成九中，尼條都吾例外！佢炸一吓底小小還拖我一發D力佢就死狗咁上，4號絲夠晒做輕輕鬆鬆扯到半水佢又惡一吓跟住就直立式係咁上，哈！百份百紅班啦！到！咦！妖！三斤石鰍一條！衰咗！攞嚟煲湯都好吖！又釣多一陣隔離艇又郁手！佢揸大餌郁親手都吾小嘢啊！見到枕咗陣就順利頂到上，應該吾會好大啩！好快就上咗嚟！目測都有20斤啩！白果見到人地起幾條魚就系度鬧鬼話冇理由吾食我假？我擰轉頭望吓佢見佢面色都轉晒，嬲到面轉色？應該吾係吖！佢面青喎！嬲應該面紅先係啦！妖！都吾知佢做乜！又釣多陣白果就話好肚痛要大解叫收絲車開D等佢方便咗先再返嚟釣過，雖然有口都冇計啦！白果一車就車咗埋去好近寨邊嘅三門打浪排，一到位佢就第一時間爆石，我地就照拋繩釣，一到底冇幾耐就好急速咁啲啲之後就索！我當時見白果辦緊大事冇候艇冇估計到會有餌食，釣魚就係咁，你打定輸數諗住冇佢又俾D驚喜你，吹脹！一時反應慢咗就俾條魚搶咗隻蝦，收返上嚟又鈎蝦企頭放，冇頂流拋繩有排吾到地！到！揚揚！啲啲！索！又係咁食法！今次有備而來梗係抽死你啦！一抽中佢就猛擰頭，又力力咯咯咬鈎，今次我實冇估錯。。。。沙立！斤裝！一手都吾俾係咁頂住上，到！bingo！中立斤頭！釣友又食餌！又中！不過細D！五六両立仔！其實尼個位置因為白果做緊大事以經甩晒排，不過水清D白身魚會離排好遠都有，㸃都好有餌食有魚上就係最好啦！白果終於都辦妥事情面色都好返晒啦！佢馬上叫收絲返寨，一到位我地又有沙立食餌，你扯我扯大大細細都有！幾両有！三斤都有！釣立首推沙立，爽！白果亦不甘後人整多副50磅鈎大蝦落，釣吓釣吓離晒排泥口都仲有立食！啲啲！吾快口食得好定！我柔手帶直條線領絲！佢叩頭擔住行！尼D食法真係跛嘅都釣到啦！就算吾領絲冇帶直線大把虛線佢都會食入扣，扯扯扯！有D反抗！吾係死狗魚就最過癮，好快又到艇！另類嘢吾怪得食得咁定啦！斤半黃腳！白果郁手！！！一抽完全起吾到頭！要俾！見佢好緊張一句聲都冇出好似運緊功咁！佢又俾！我問佢條魚食咩餌？佢話大蝦！哦！八爪吾食食大蝦？大極有限啦！扯魚咁鬼渣架？見佢吾係好出力頂又柔手到死真係要重新學過師呀！睇咗佢成分鐘突然佢話。。。。成擔呀！！！！！吓！吾係啩？咁大咪？撈基一落抽上嚟睇真係幾大！不過一擔就肯定冇！尼條班真係抵死嘅！白果因為就我地釣沙立離晒排正正泥口食餌，如果系高石位白果副50磅頭幾手根本頂吾起佢肯定過石斷啦！搞完一大輪又返寨，白果就叫我都揸大餌，我睬你都傻呀！咁多沙立赤立食餌你叫我釣班？？？到位又放！沙立依然冇停口，你扯我扯係白果冇得扯，守大嘢就係咁架喇！連返兩寨都係沙立中立係咁上，今日掂呀！白果又郁手！哈！好日呀！不過今次白果就輕鬆啦！一邊扯一邊面帶笑容咁隊，又10斤！成日就打浪排釣再冇走過，睇吓個生倉D中立赤立死鬼晒！係俾條大青班責鬼死，回航！又擔幾！
我諗白果都好似我咁實記得尼劑因禍得福嘅爆石事件，哈哈哈

尼張相好珍貴，吾係魚大！係我糖尿上眼變咗鬥雞眼，好彩好返！仲有我55斤青班可以拎得起離地，但係尼條拎吾起

青岛城运控股的大青后JNP6180GVC[给力][威武]。二刷岛城，这次拍了个够[二哈]。六个车门只用三个，左侧门用不到的[偷笑]，既然这样为什么还买TRB版[费解]
青岛的JNP6180GVC采用潍柴WP10NG336E50搭配ZF变速器，三根ZF车桥，电装空调，在燃气客车当中算高配版了，个人感觉乘坐感受比连云港那一批要好一些[喵喵]