༄།མདོ་སྨད་བསྟན་པའི་འབྱུང་གནས་བླ་བྲང་བཀྲ་ཤིས་འཁྱིལ་གྱི་ཡོངས་ཀྱི་དགེ་བའི་བཤེས་གཉེན་ཆེན་མོ། ཀུན་མཁྱེན་ཆེན་པོ་འཇམ་དབྱངས་བཞད་པའི་མཛད་འཕྲིན་གྱི་ཁང་བཟང་གནམ་དུ་འདེགས་པའི་ཀ་ཆེན། ཀུན་གཟིགས་ཡེ་ཤེས་ཀྱི་ཉི་མ་༧པཎ་ཆེན་ཨེར་ཏི་ནི་ཆོས་ཀྱི་རྒྱལ་བོ་མཆོག་གི་ཡོངས་འཛིན་རྗེ་འཇམ་དབྱངས་རྒྱ་མཚོ་མཆོག་ནས་དགུང་གྲངས་དགུ་བཅུ་བཞེས་པ།

བྱིན་བརླབ་གསོལ

祈 祷 上 师
SUPPLICATION

༄༅། །དྲིན་ཆེན་རྩ་བའི་བླ་མ་ཁྱེད་ཀྱི་སྐུ་གསུང་ཐུགས་ཀྱི་ཡོན་ཏན་མཐའ་དག་བདག་གི་རྒྱུད་ལ་འཕོས་ནས་བསྟན་པ་དང་སེམས་ཅན་གྱི་དོན་རྒྱ་ཆེན་པོ་འགྲུབ་པར་བྱིན་གྱིས་བརླབ་ཏུ་གསོལ།།

༧ཆོས་རྗེ་དམ་པ་ཡིད་བཞིན་ནོར་བུས་གསུངས།

大恩根本上师，祈请您身语意一切功德入于我之相续，加持我能成办佛法与众生大义!

～～法王如意宝

O supremely kind root Lama, please let all the qualities of your awakened body, speech, and mind transfer into my mind stream, and grant blessings to accomplish vast service and benefit to Buddha’s Teachings and sentient beings.
By H.H Jigme Puntsok

༄༅། །རྒྱལ་ཚབ་རྗེས་གསུངས་པའི་སྐྱབས་འགྲོའི་དོན།
ང་རང་ཁར་སང་རྩོད་གྲྭ་ནས་ཆོས་ཀྱི་གྲོགས་པོ་མཁན་ཚུལ་ཁྲིམས་དང་གཏམ་གླེང་བྱེད་སྐབས་ཁོང་གིས་ང་ལ་འདི་འདྲ་ཞིག་གསུངས་བྱུང་། རྒྱལ་ཚབ་རྗེའི་རྣམ་བཤད་སྙིང་པོའི་རྒྱན་དུ་སྐྱབས་འགྲོ་རྒྱུད་ལ་སྐྱེ་བ་ལ་གང་ལས་བསྐྱབ་དགོས་པའི་ཡུལ་འཁོར་བའི་སྡུག་བསྔལ་ལ་འཇིགས་སྐྲག་མེད་ན་སྐྱབས་འགྲོ་རྩ་བ་ནས་རྒྱུད་ལ་སྐྱེད་ཐབས་མེད་དེ་འཇིགས་སྐྲག་མེད་ན་ཅིའི་ཕྱིར་སྐྱབས་བཅོལ་འདོད་སྐྱེ། ཞེས་གསུངས་ཡོད་ཚུལ་གླེང་འདུག དོན་འདིར་དངོས་གནས་ཞིབ་ཏུ་བསམ་ན་རང་ལྟ་བུ་ལ་འཁོར་བ་ལ་འཇིགས་སྐྲག་སྐྱེ་བ་མ་དགོས་འཁོར་བའི་ཕུན་ཚོགས་ལ་ཡིད་སྨོན་དང་བཅས་པའི་ངང་གནས་པས་འཁོར་བ་ལས་ཐར་བར་འདོད་ནས་དཀོན་མཆོག་ལ་སྐྱབས་སུ་འགྲོ་བ་མེད་པ་གསལ་པོར་ཤེས་སོང་། ད་སྔོན་སྐྱབས་འགྲོ་ཡམ་ཡམ་རེ་བྱས་པ་དག་ཀྱང་འཁོར་བའི་སྡུག་བསྔལ་བྱེ་བྲག་པ་ན་ཚ་དང་མི་འདོད་པ་ཕྲན་བུ་ཙམ་རེ་ལས་སྐྱོབ་པར་རེ་བ་ཙམ་ཡིན་པས་འདི་དག་ནི་ཐེག་པ་ཆེ་ཆུང་གི་དགེ་བ་གང་ཡང་མ་ཡིན་སྙམ་མོ། །དེ་ནས་ངེད་གཉིས་འདི་ལྟར་ལབ་སྔོན་བྱོན་ས་དགེ་བཀའ་རྙིང་གི་མཁས་པ་དག་གི་གསུང་དག་གིས་བཤད་རྒྱུ་དེ་ང་རང་ཚོས་བཤད་པའི་ཆོས་འདི་ཡིན་ཡང་དོན་གྱི་གནད་ཟིན་པའི་ཚིག་འདི་དག་ལ་ཇི་འདྲའི་ནུས་པ་རེ་ཡོད་ཚུལ་སོགས་འཕྲོས་གཏམ་འགའ་བྱས་ནས་གྱེས། ། ༧ མཁན་པོ་འཆི་མེད་རིག་འཛིན་རིན་པོ་ཆེས་གསུང་འབུམ་ལས་བཤུས། གསུང་འདི་དང་འདི་འདྲ་དག་ལ་ཞིབ་ཏུ་བསམ་ན་རང་གི་རྒྱུད་ན་སྐྱབས་སྡོམ་གཙང་མ་ཞིག་ཡོད་མེད་ལའང་བསམ་བློ་མི་གཏོང་རང་གཏོང་ཡིན་པས། རང་རྒྱུད་ལ་བསམ་བློ་ཕྲ་མོ་ཙམ་ཡང་མི་གཏོང་བར་ཁ་ཕར་འཁོར་ནས་རག་དུང་འབུད་པས་ཅི་བགྱི་ཨང་།