「亞視一姐」薛影儀（阿儀）被官非纏身，除了因普通襲擊及違反「口罩令」兩罪正上訴排期候審外，最近因為在活動上駕大膽車涉嫌無牌駕駛等4罪被捕，其後獲准保釋候查，須於10月上旬向警方報到。不過昨天她如常隨經理人林寶玉及亞洲電視執行董事陳偉傑出發到大馬工作，無損心情，但可能太早起身，有點不在狀態。

林寶玉表示此行逗留大馬10日，主要宣傳亞姐節目、出席活動和拍攝新節目，還會拍電影，阿儀更主動要求加吊威也鏡頭，亦會斟拍廣告和拍電影。阿儀被問到是否喜歡到大馬發展時卻說：「麻麻地，天氣幾熱。」阿儀自爆去到都會著泳衣，但唔係三點式，不過，都會幾好睇。

提到亞洲電視其中一間子公司數碼媒體清盤，作為旗下藝人的阿儀轉投由林文龍擔任副總裁的另一間亞視子公司AMM（亞洲心動娛樂）繼續做亞視一姐，她表示簽約一年，人工冇問題，加幾多屬秘密。阿儀又指沒為「揸大膽車」官司而煩惱，不太擔心，林寶玉立即搶着說︰「官司已交律師和警方處理，不便評論。」

陳偉傑強調遭入稟清盤的「亞洲電視數碼媒體」只是集團其中一間子公司，亞視和其餘子公司不受影響，亞視不是執笠。他承認亞洲電視數碼媒體共拖欠被遣散的員工兩個月薪酬，暫時已發還了一個月。公司被入稟清盤，而員工亦可以申請破欠基金。陳偉傑又表示，目前亞洲心動娛樂現時只簽了阿儀和林寶玉。

#TVB[超话]##tvb##张敬轩##张敬轩[超话]#
百足咁多爪！張敬軒連腳仔按摩都撈埋：叫我孖八 （on.cc東網）

「軒公」張敬軒百足咁多爪，開騷開到去元宇宙外，又準備強攻影壇拍喜劇，早前仲做埋「樂壇社工」為泳兒「心理輔導」，估唔到今日（14日）佢又有新「秘撈」，竟然係做按摩師傅。佢喺社交網晒出於錄音室嘅照片，見一班造型師、化妝師瞓晒喺梳化，張敬軒就逐一為佢哋按腳，場面搞笑，佢笑言：「軒記脚仔按摩，三位老細斯唔斯酷吖（舒唔舒服），叫我孖八。」唔少人都話要Mark佢鐘，好想瘋狂畀佢按。

另外，佢昨晚凌晨突然因工作關係，孖住男神人氣男神魏浚笙（Jeffrey）揸車去到荒山野嶺，好友Tyson Yoshi二話不說，一Call即到陪開工，獲軒公大讚有義氣，認真唔話得。

#姚焯菲Chantel[超话]#
《叱吒Brand New Live生力軍音樂會》台下花絮

唔知尋晚各位留喺屋企嘅小菲象有冇睇《叱吒Brand New Live生力軍音樂會》嘅網上直播呢？

除咗小公主嘅美妙歌聲，同埋突破嘅「張飛」組合之外，唔知大家有冇留意到，其中一大亮點就係台下打氣嘅小菲象啦！

尋晚小菲象真係好人強馬壯呀！大家揸住應援燈牌，喺台下隨著小公主嘅美妙歌聲緩緩搖動，場面真係好壯觀！

小公主離開會場之前，仲同專程到場為佢打氣嘅小菲象影大合照，真係好warm呀~~

@姚焯菲chantelyiu
@BYWONG
@TVB官方微博

#姚焯菲##ChantelYiu##Chantel##叱咤樂壇##叱吒BrandNewLive生力軍音樂會#