དེ་རིང་ནི་བདག་ཅག་གི་སྟོན་པ་ལྷ་ནས་བབས་པའི་དུས་ཆེན་ཁྱད་པར་ཅན་རེད། དེའང་ལྷ་བབས་དུས་ཆེན་ནི་ནང་པ་སངས་རྒྱས་པའི་དུས་ཆེན་བཞིའི་ཡ་གྱལ་ཡིན་ཞིང་། བདག་ཅག་གི་སྟོན་པ་ཤཱཀྱ་ཐུབ་པ་མཆོག་སྐུ་འཁྲུངས་ནས་ཞག་འགའ་ལོན་པ་ན་ཡུམ་སྒྱུ་མ་ལྷ་མཛེས་སྐུ་འདས། རྗེས་སུ་སངས་རྒྱས་བཅོམ་ལྡན་འདས་ཀྱིས་ཡུམ་སྒྱུ་མ་ལྷ་མཛེས་རིགས་དྲུག་གང་དུ་སྐྱེས་ཡོད་མེད་ལ་གཟིགས་པས་ལྷ་ཡུལ་དུ་སྐྱེས་པ་གཟིགས། མ་ཡི་དྲིན་ལན་འཇལ་བའི་ཆེད། ལྷ་ཡུལ་དུ་ཕེབས་ནས་ཡུམ་གཙོ་བོར་གྱུར་པའི་ལྷ་རྣམས་ལ་ཆོས་སྣ་ཚོགས་པ་བསྟན་ཏེ་བདེ་བ་ལ་བཀོད་ཅིང་། སླར་ཡང་གདུལ་བྱའི་དོན་དུ་ལྷ་མི་འཁོར་དང་བཅས་ཏེ་རྫུ་འཕྲུལ་གྱི་སྐས་འཛེག་ལ་བརྟེན་ནས། མི་ཡུལ་ལ་བབས་པས་ལྷ་བབས་དུས་ཆེན་ཞེས་གྲགས།

ལྷ་བབས་དུས་ཆེན་ནི། སངས་རྒྱས་ཀྱིས་བྱིན་གྱིས་བརླབས་པས་དགེ་བ་གང་བསྒྲུབས་ན་བྱེ་བ་ཕྲག་བརྒྱར་འགྱུར་བ་མདོ་ལས་གསུངས་པས། དེ་རིང་ནི་ཉིན་བཟང་ཚེས་བཟང་གི་དུས་ཆེན་ཁྱད་པར་ཅན་ཞིག་རེད། དེ་བས་གོ་སྐབས་དམ་འཛིན་བྱས་ཏེ་རང་གི་ནུས་པ་གང་ཡོད་ཀྱིས་སྦྱིན་པ་གཏོང་བ་དང་། ཚུལ་ཁྲིམས་སྲུང་བ། བཟོད་པ་སྒོམ་པ། ཕ་མ་ལ་བྱམས་སྐྱོང་བྱེད་པ་དང་། དགེ་འདུན་ལ་བསྙེན་བཀུར་བྱེད་པ། གཙུག་ལག་ཁང་དུ་ཕྱག་མཆོད་འབུལ་བ། སངས་རྒྱས་ཀྱི་མཚན་སྔགས་འདོན་པ། རྣམ་ཐར་མཇལ་བ་སོགས་དམ་པའི་ཆོས་དང་མཐུན་པའི་ཚོགས་བསགས་སྒྲིབ་སྦྱོང་གང་བྱས་ན་ཕན་ཡོན་དང་འགྱུར་བསྐྱེད་ཧ་ཅང་ཆེ་ཞིང་། འདི་ནི་ལྷ་བབས་དུས་ཆེན་བསུ་སྟངས་ཡང་དག་པ་ཡིན་ནོ། །

今天是藏历九月二十二天降节（11月15日）也是佛教最殊胜的四大吉祥月之一，释迦牟尼佛在三十三天界，为了母亲等天众解脱而讲法后，返回人间的天降日，功德增上十亿倍，清净业障，积累福德，资粮的绝佳时机。

不止要多行善业，尤其是赡养父母，恭顺听从，报答现在的父母的同时，以父母为主无边的众生而做一些善业是特别重要！

བདག་ཀྱང་བྱིས་པའི་དུས་ནས་ད་ལྟའི་བར།།
སྲིད་པའི་འཇིག་རྟེན་ཁམས་ཀྱི་དོར་ར་རུ།།
སྟོན་དང་བསྟན་པའི་སླད་དུ་བརྟག་བྱས་ཀྱང་།།
ད་དུང་ཁྱེད་ལས་ལྷག་པ་གཞན་མ་རྙེད།།

མ་ཁོལ་སྲས།
༢༠༢༢/༩/༢༢

सर्वदृष्टिप्रहाणाय
སརྦདྲྀཥྚིཔྲཧཱཎཱཡ
གང་གིས་ཐུགས་བརྩེ་ཉེར་བཟུང་ནས། །
यःसद्धर्ममदेशयत्
ཡཿསདྡྷརྨམདེཤཡཏ྄།
ལྟ་བ་ཐམས་ཅད་སྤང་བའི་ཕྱིར། །
अनुकम्पामुपादाय
ཨནུཀམྤཱམུཔཱདཱཡ
དམ་པའི་ཆོས་ནི་སྟོན་མཛད་པ། །
तंनमस्यामिगौतमम्।
ཏཾནམསྱཱམིགཽཏམམ྄༎
གཽ་ཏམ་དེ་ལ་ཕྱག་འཚལ་ལོ། །

སུམ་ཅུ་རྩ་གསུམ་གནས་སུ་དབྱར་གནས་མཛད།།
三十三天住夏居
སྐལ་ལྡན་སྨིན་གྲོལ་ལམ་ལ་ལེགས་བཀོད་དེ།།
有缘众生迎解脱
སྨིན་དྲུག་ཅན་ལ་ཚངས་དབང་འཁོར་ཚོགས་བཅས།།
行星天王诸天众
སླར་ཡང་གླིང་འདིར་བྱོན་ལ་ཕྱག་འཚལ་ལོ།།
重返人间之顶礼