༈ ཤིས་ཚིག་འདབ་མ་སྟོང་ལྡན།

བཀྲ་ཤིས་ཨ་སྔོན་གནམ་ལ་ཉི་མ་ཤར། །
བཀྲ་ཤིས་འོད་ཀྱིས་འཛམ་གླིང་ཀུན་ཏུ་གསལ། །
བཀྲ་ཤིས་པདྨོའི་སྒོ་བརྒྱ་རབ་ཏུ་འབྱེད། །
བཀྲ་ཤིས་དགའ་དང་བྲོད་ཀྱིས་ཡོངས་སུ་བསྐུར། །
བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །

བཀྲ་ཤིས་དུང་གི་ཟླ་བ་མཁའ་ལ་འཕག །
བཀྲ་ཤིས་འོད་དཀར་ཟེགས་མས་ཡུལ་གྲུ་གང་། །
བཀྲ་ཤིས་ཞི་བསིལ་རེག་བྱ་འཇམ་སི་ལི། །
བཀྲ་ཤིས་ལྷག་པའི་བསམ་པ་རྣམ་པར་དག །
བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །

བཀྲ་ཤིས་དགུང་གི་རྒྱུ་སྐར་རྣམ་པར་བཀྲ། །
བཀྲ་ཤིས་འཛུམ་ཟེར་ཚོམ་བུ་ལྷག་ལྷག་འཚེར། །
བཀྲ་ཤིས་མཚར་སྡུག་གྲངས་མེད་ཀུན་ནས་སྟོན། །
བཀྲ་ཤིས་དགེ་མཚན་ཕྱོགས་ཀུན་འབར་ཞིང་ཁྱབ། །
བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །

བཀྲ་ཤིས་ཤར་གྱི་ཕྱོགས་ནས་རླུང་ཆེན་ལྡང་། །
བཀྲ་ཤིས་དགུང་སྔོན་དབྱིངས་སུ་སྤྲིན་དཀར་འཁྲིགས། །
བཀྲ་ཤིས་བང་སྣང་ཁམས་ནས་འབྲུ་ཆར་འབབ། །
བཀྲ་ཤིས་ས་ལ་རྩི་ཐོག་ལོ་བཅུད་སྨིན། །
བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །

བཀྲ་ཤིས་ཆོས་དུང་དཀར་པོ་གཡས་སུ་འཁྱིལ། །
བཀྲ་ཤིས་ཆོས་འཁོར་གཡས་ནས་གཡོན་དུ་འཁོར། །
བཀྲ་ཤིས་ཆོས་དབྱིངས་ཀློང་དུ་རྣམ་པར་རྩེན། །
བཀྲ་ཤིས་ཆོས་ཀྱི་དགའ་སྟོན་རྟེན་འབྲེལ་འགྲིག །
བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །

བཀྲ་ཤིས་སྙན་པའི་གླུ་དབྱངས་ཀྱུ་རུ་རུ། །
བཀྲ་ཤིས་དྲི་བཟང་སྤོས་དྲི་ཐུལ་ལུ་ལུ། །
བཀྲ་ཤིས་མཛེས་པའི་མེ་ཏོག་ཁྲ་ལམ་ལམ། །
བཀྲ་ཤིས་ཞིམ་མངར་ཟས་བཅུད་འཛོམས་ཤིག་ཤིག །
བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །

• དེང་རབས་པས།

༈ མི་རྟག་འདུ་ཤེས་བྱ་རྒོད་མཆུ་ལས་སྐྱེས།།

ངེས་འབྱུང་བསམ་པ་རུས་གོང་ཁྲོད་ནས་རྙེད།།

འཁོར་བའི་ཉེས་དམིགས་རོ་མྱགས་དྲི་ལས་ཚོར།།

ཚེ་སྲོག་གནས་ལུགས་དུར་གྱི་ཁྲོད་ནས་རྟོགས།། https://t.cn/R2WxD4z

༈ ཆུ་སྟག་ལོ་གསར་པའི་ནང་།

འདི་བཏོན་ན་བྱིན་རླབས་ཤིན་ཏུ་ཆེ།

དུས་གསུམ་སངས་རྒྱས་གུ་རུ་རིན་པོ་ཆེ།།
དངོས་གྲུབ་ཀུན་བདག་བདེ་བ་ཆེན་པོའི་ཞབས།།
བར་ཆད་ཀུན་སེལ་བདུད་འདུལ་དྲག་པོ་རྩལ།།
གསོལ་བ་འདེབས་སོ་བྱིན་གྱིས་བརླབ་ཏུ་གསོལ།།
ཕྱི་ནང་གསང་བའི་བར་ཆད་ཞི་བ་དང་།།
བསམ་པ་ལྷུན་གྱིས་འགྲུབ་པར་བྱིན་གྱིས་རློབས།།[合十][合十][合十]

若以此时时祈祷莲花生大士，则会获得巨大的加持——
三时佛陀莲师尊，
悉地遍主大乐者，
除障降魔忿怒相，
汝前祈祷赐加持，
灭除内外密违缘，
加持任运成所愿。[合十][合十][合十]