བླ་རྒན་ཚོ་གཙོས་འུ་ཅག་ལ་མཁས་པ་ཕལ་ཆེར་སྤྲུལ་སྐུ་དང་འཇམ་དབྱངས་སོགས་སུ་སྒྲུབ་པའི་ལུགས་སྲོལ་ཡོད་ཀྱང་། བསྟོད་རྩོམ་སོགས་སྙན་ངག་ལ་སྤྱིར་བཏང་ནས་སྒྲོ་འདོགས་སམ་རབ་བཏགས་ནི་ངེས་པར་མཁོ་བའི་ཁྱད་ཆོས་ཤིག་ཡིན་གཤིས། བསྟོད་པ་དང་མཆོད་བརྗོད་ནི་ཡིན་ལུགས་མིན་ལུགས་ཀྱི་ཤན་འབྱེད་བྱེད་དུ་མི་འཐད་སྙམ་ན་ཀློའུ་འདང་མིན་ལས་ཆེ།

ཚེ་སྟོད་རྫོགས་ལ་ཉེ་བའི་སྐབས་འདིར།
ཕྱིར་མདང་ཞིག་བརྒྱབ་ན།
འདས་ཟིན་གྱི་ལོ་ཟླའི་ནང་གི་རང་ཉིད་ནི།
བརྗོད་བྱའི་སྙིང་པོ་མི་གསལ་ཞིང་།
རྗོད་བྱེད་ཚིག་གི་སྔ་ཕྱི་འབྲེལ་མ་ཆགས་པའི་ཉོག་རྩོམ་ཞིག་དང་ཅིས་ཀྱང་མཚུངས།
མཚམས་འདི་ནས།
འབྱུང་འགྱུར་གྱི་རང་ཉིད་ལའང་བསམ་བློ་ཞིག་བཏང་ན།
དེ་ནི་ཉོག་རྩོམ་འབྲི་བར་གོམས་པ་དང་ཡོངས་སུ་འདྲ།
བདེ་སྐྱིད་ཀྱི་ཉི་མ་ཤར་ཐེངས་རེ་རེར།
སྡུག་བསྔལ་གྱི་མུན་པ་འཐིབས་ཐེངས་རེ་རེ།
བདེ་སྡུག་ངེས་མེད་ཀྱི་ལོ་ཟླའི་ཁྲོད་ནས།
མི་ཚེ་སྟོང་ཟད་དུ་བསྐྱལ་དགོས་ཐུག་ན།

རྟག་འཛིན་སེམས་ཀྱིས་རང་མགོ་བསྐོར་ནས་སུ།
心 执常法唯是自欺诳。
བག་མེད་ངང་དུ་གནས་པ་བདག་ཅག་ལ།
我等恒处解怠放逸中。
དཀོན་མཆོག་ཀུན་འདུས་བླ་མས་ཐུགས་རྗེས་གཟིགས།
总集三宝上师悲眼视。
མི་རྟག་འཆི་བ་དྲན་པར་བྱིན་གྱིས་རློབས།
能念无常死亡求加持