࿑།དགུ་ཐུག་༼团圆饭༽འདི་བ་ཁག་ཚང་མ་བ་རྒན་ལ་འཛོམས་ནས་འཐུང་ན་བསོར་གི། མདང་ནུབ་ལེ་དབར་ལྔ་བཅུ་བརྒལ་ནས་བ་རྒན་ནས་བཟའ་མི་ཉེར་གསུམ་ལྷག་འཛོམས་ནས་འཐུང་ནི།བགད་ནི།ངོ་མ་团圆དག་གོ་རེད་ཡ།[呲牙]
࿑ དེ་རིང་སེམས་པ་ལྷོད་ལྷོད་བྱས་ནས་བཀའ་ཕྱག་ཆུ་བོ་གཉིས་འདྲེས་ཀྱི་བསྟན་པའི་མངའ་བདག་ཆེན་མོ་མཉམ་མེད་དྭགས་པོ་ལྷ་རྗེ་༼༡༠༧༩ ༡༡༥༣༽ལགས་ཀྱིས་མཛད་པའི་ཐེག་པ་ཆེན་པོའི་ལམ་གྱི་རིམ་པ་བཤད་པའི་དམ་ཆོས་དྭགས་པོ་ཐར་རྒྱན་བྱ་བ་ཉིན་གང་བོར་ཀློག་ནས་ད་ལྟ་བཀླགས་པར་གྲུབ་པའི་ཟོལ་ཡིན། ཐར་རྒྱན་འདི་ལས་དགེ་བའི་བཤེས་གཉེན་བསྟེན་ཚུལ་དང་། བྱམས་དང་སྙིང་རྗེ་བསྟན་ཚུལ། འདུས་བྱས་མི་རྟག་པར་བསྟན་ཚུལ། སངས་རྒྱས་ཀྱི་འཕྲིན་ལས་བསྟན་པའི་ཟོལ་དག་གིས་སྐབས་ཀུན་ཏུའང་ངོ་མཚར་བསྐྱེད་ཅིང་། དད་པའི་སྤུ་ལོང་ཡང་དང་བསྐྱར་དུ་གཡོ་ཨང་། གཞན་ཡང་ཁོང་གིས་ཆགས་མེད་ཞེན་མེད་ཀྱི་སྤྱོད་པས་སྣ་ཐག་མི་ལ་མ་ཤོར་བ་ཞིག་དགོས་གསུངས་པ་ལ་གོ་བ་དམིགས་བསལ་བ་ཞིག་ཡོད་པར་སྙམ།
࿑རིམ་བཞིན་གདོང་འབག་ལྟ་བུའི་ཁ་རས་དེ་ཡང་ཕྱེས་ནས་དལ་བུ་དལ་བུར་ནད་དུག་གི་ཡོལ་བ་བརྒྱངས་ནས་མི་སོ་སོའི་དགོད་འཛུམ་གྱི་སོ་ཞོ་དཀར་པོ་དེ་བསྟན་ཡོང་ཚེ། ང་ཚོ་ནི་ཅི་འདྲའི་ཉམ་ཐག་ཅིག་རེད་བསམ། སྐྱེ་རྒ་ན་འཆི་ཞེས་པའི་གཤེད་མ་ལྟ་བུའི་འཇིགས་སྣང་གིས་ཚེ་སྲོག་གི་མྱུ་གུ་གང་མང་ཞིག་འཕྲོག་འགྲོ་བས་ང་ཚོ་སྔར་བཞིན་ཆོས་ཉིད་ཀྱི་མདུན་དུ་གཉའ་སྒུར་སྒུར་དང་དཔའ་ཞུམ་ཞུམ་གྱི་ངང་ནས་ལེ་ལན་དང་དམོད་ཚིག་ཀྱང་བོར་མ་ནུས་པར་མཆི་མ་བཀུ་བཞིན་མགྲིན་པ་བསྣངས་བཞིན་སྙིམ་པ་སྙིང་ཁར་སྦྱར་ནས་གསོལ་འདེབས་ཀྱི་ཀློང་དུ་དར་ཅིག་ལ་སྐྱབས་འཇུག་ཞུ་དགོས་སོང་། ཁ་ཤོམ་མཐོ་ཞིང་སྣང་བའི་སྒལ་ཚིགས་དྲང་བོར་སྐྱེས་པའི་མི་དེ་དག་གིས་ཀྱང་ཆོས་ཉིད་ལ་མགོ་བོ་མི་སྒུར་ག་མེད་བྱུང་།
✋热门推荐