ཞིང་མཆོག་བདེ་བ་ཅན་དུ་སྐྱེ་བར་ཤོག། སངས་རྒྱས་འོད་དཔག་མེད་པས་ཞལ་མཐོང་ཤོག། བླ་མ་ལྷག་པའི་ལྷ་ཡིས་ལམ་སྟོན་མཛོད།། ཡི་དམ་ཆོས་སྐྱོང་རྒྱ་མཚོ་གྲོགས་ལ་བྱོན།།

ཆུ་རགས།

(ནོར་ལྷ)

ངས་རླངས་འཁོར་ནང་ནས
ཆུ་བོ་ཕལ་ཆེར་ལ་ཆུ་རགས་བརྒྱབ་ཡོད་པར་མཐོང
འོ་ཅག་གི་ཆུ་བོ་དེ་དག་ལ་ཡང་རྡོ་རགས་རྩིག་བཞིན་འདུག

ང་ཚོའི་ཆུ་བོ་རེ་རེ་ལ
ཆུ་རགས་རེ་ཡོད་པར་གྱུར
གང་ས་གང་དུ་ཆུ་རགས་ཡོད་པ་ནས་ནོར་ཁྱུ་རྣམས་ཀྱིས
ཆུ་མི་རག་པའི་ངང་དུས་ཚོད་སྐྱེལ་དགོས་བྱུང

དེ་ནས་བཟུང
རྟ་ཁྱུ་དེ་དག་གིས་ཀྱང་རང་ཉིད་ཀྱི་ཆུ་བོ་དྲན
ཆུ་རགས་དེས་སྒོ་ཕྱུགས་རང་དབང་གིས
ཕ་རོལ་དུ་འགྲོ་བའི་གོ་སྐབས་མེད་པར་བཏང

རྡོ་རགས་མཐོན་པའི་གོང་ན
ཕྱུགས་ཟོག་ལ་དབང་ངེས་པའི་དཔྱངས་ཟམ་ཞིག་ཡོད་ཀྱང
འབྲོག་པ་ཚོས་ཟེར་བ་བཞིན་དུ
ཆུ་འཐུང་ཐབས་མེད

ཆུ་རགས་ནི་ཆུ་བོའི་སྙིང་སྟོབས་བཅོམ་མཁན་ཡིན
ཆུ་རགས་ནི་སྒེར་གཅོད་པ་ཡིན
ཆུ་རགས་ནི་དགག་སྒྲ་འབའ་ཞིག་ཡིན
ཆུ་རགས་ནི་རྟ་ཕོ་ཞིག་ལ་ཆ་བཞག་ན་སྲབ་སྐྱོགས་ཡིན།

2023/8/5

དེང་རབས་དང་སྲོལ་རྒྱུན་གྱི་ལྟ་བ་གཉིས་གདོང་ཐུག་ཤོར་བའི་དུས་སྐབས་འདིར། གནད་དོན་མང་པོ་ཞིག་གིས་བོད་ཀྱི་གཞོན་ནུ་རྣམས་མགོ་པོ་རྨོངས་སུ་འཇུག་གིན་ཡོད། དཔེར་ན། བོད་ཁུལ་གྱི་ས་ཆ་འགའ་ཞིག་དང་ལྷག་ཏུ་ཞིང་འབྲོག་ཁུལ་གྱི་སྡེ་གསེབ་ཏུ་བོད་ཀྱི་གཞོན་ནུ་ཁག་གི་གྱོན་ཆས་གྱོན་སྟངས་དང་སྐྲ་ཚུགས་བཏོད་སྟངས་སོགས་ལ་ཕ་མ་དང་གཉེན་ཉེ་འབྲེལ་སོགས་ཀྱིས་དགག་རྒྱག་དང་བཀག་འགོག་ཐེབས་ཀྱིན་ཡོད། དེ་འདྲའི་ཁོར་ཡུག་གི་གནས་སྟངས་འོག་གཞོན་ནུ་མང་པོ་ཞིག་གྲོང་ཁྱེར་སྣ་ཚོགས་སུ་ཡུལ་གྱར་བྱེད་དེ་སྡོད་པ་ལས། ཡུལ་ལ་ལོག་སྟེ་ཁྱིམ་གཞིས་བཟུང་བར་དགའ་པོ་བྱེད་ཀྱིན་མེད། ཁོ་ཅག་གི་རྒྱུད་ལ་མི་རིགས་རང་གི་རིག་གནས་རྫོངས་མཐུག་པོ་མེད་ཀྱང་མི་རིགས་རང་ལ་བཅངས་པའི་བརྩེ་བ་རྣམ་དག་ཅིག་ལོས་ཡོད་སྙམ། རྒན་རབས་རྣམས་ཀྱིས་བོད་ཀྱི་གཞོན་ནུ་ཁག་གི་ཆ་ལུགས་གྱོན་སྟངས་ལ་འགྱུར་བ་ཐེབས་ཀྱིན་པ་ཤེས་ཀྱི་ཡོད་ཀྱང་། དེ་ལས་འཇིག་སུ་རུང་བ་ནི་གཞོན་ནུ་དེ་དག་གི་ནང་སེམས་ཀྱི་བསམ་བློའི་འཁྱེར་སོ་དང་ཡ་རབས་བཟང་སྤྱོད། ལས་འབྲས་ཀྱི་རྣམ་གཞག སྙིང་རྗེ་སོགས་འཇིག་བཞིན་པ་མཐོང་གིན་མེད། ནང་སེམས་ཀྱི་ལྟ་གྲུབ་ཐ་དག་གཞན་འགྱུར་ཐེབས་ཟིན་རྗེས་དེ་འབྲེལ་གྱི་རིག་གནས་དང་དད་མོས། གཞུང་ལུགས། སྒྱུ་རྩལ། ལག་ཤེས། ཐོན་རྫས། དགོས་མཁོ་སོགས་དགོས་མེད་དུ་འགྱུར་བ་ཡིན་ནོ།། དེ་བས་གུ་ཡངས་དང་བདེ་ཐང་གི་ཁོར་ཡུག་ཁྲོད་རང་མི་རིགས་ཀྱི་གོམས་སྲོལ་དང་བསམ་བློའི་འཁྱེར་སོ་སོགས་རྒྱུད་འཛིན་དང་དར་སྤེལ་གནང་ན་ལེགས་སྙམ།

[月亮]