————-
࿑ ནམ་རྒྱུན་འགྲོ་འདུག་བྱ་བ་གང་གི་སྐབས་སུའང་དགེ་རྩ་ཆེ་ཆུང་གང་བྱས་ཐམས་ཅད་འདི་ལྟ་བུའི་བསྔོ་བ་བཟང་པོའི་རྩིས་ཟིན་པ་ནི་བསམ་གྱིས་མི་ཁྱབ་པའོ།། [合十][合十][合十]

࿑ ཀུན་གྱིས་ཚོར་བའི་ཁ་ཕྱོགས་ཙམ་བཙལ་ཏེ་ཡིག་འབྲུ་མང་པོ་ཞིག་གཅིག་གྱུར་གྱིས་སྤུངས་བཞིན་ཡོད་ནའང་ཡོད་ཚད་གླུ་བརྒྱ་གདངས་གཅིག་ལྟ་བུར་ཆགས་འདུག་སྟབས། དེའི་རིགས་ལ་སྙིང་བོ་ཆེས་ཆེར་མ་མཆིས་ཀྱང་། དགོས་པ་གཏན་དུ་མི་འདུག་སྙམ། དེ་བས་ན་ལངས་ཕྱོགས་དང་སྒེར་ཚུགས་ལྡན་པའི་གསར་རྩོམ་མང་པོ་ཞིག་འབྲི་ཐུབ་ན་ཤིན་ཏུ་གཅེས་པའི་གནད་དམ་པ་དེའོ།། དེང་དུས་ཆར་རྩོམ་ཡིག་ཡིན་མིན་ཐག་གཅོད་པར་དཀའ་བ་འབྲི་མཁན་མང་དུ་འདུག་མོད་དེ་དག་གིས་བྲིས་པ་དག་ཀྱང་ཡོད་ཚད་མཐར་དེད་ན་གཅིག་མཚུངས་ལྟ་བུར་ཆགས་འདུག འདི་དག་དོམ་དམ་པར་ཡིག་ཚོགས་མང་དུ་སྤུངས་བྱེད་ཙམ་ལས་གཞན་གང་ཡང་མ་མཆིས།

ད་ལྟའི་ཆར་ང་ཚོར་མཁོ་བ་ནི་གསར་རྩོམ་ཡིན་ལ་ལྷག་པར་དུ་སྒེར་གཤིས་དང་སྤུས་ཚད་མཐོ་བའི་གསར་རྩོམ་དེའི་རིགས་ཡིན་ཕྱིར།

མི་ཚེ་གཅིག་ལ་གླུ་གཅིག་གིས་མཐར་སྡོམ་བརྒྱབ་ན་སྙིང་བོ་མེད་པ་ནང་བཞིན་དུ་མི་ཚེ་གཅིག་ལ་གསར་རྩོམ་གཅིག་ཀྱང་མེད་པར་ལད་ཟློས་ཁོ་ན་བྱས་ན་འབྲས་བུ་གཅིག་ཀྱང་མེད་པ་རྒྱུ་མཚན་གང་དེའི་ཕྱིར་རོ།། ☕️ https://t.cn/R2WxDIR

࿑ཚོགས་གཉིས་འདབ་སྟོང་བཀྲོལ་བའི་པད་དཀར་དེ།།
གངས་འདིར་སྨིན་པའི་དགོས་པ་ཅི་ཞིག་འགྲུབ།།
ལེགས་བཤད་བཅུད་ལ་བུང་བ་གཞན་གྱིས་སྤྱོད།།
གང་གི་དྲི་བསུང་ཙམ་ཡང་མཐོང་བར་དཀའ།།

དཔེར་ན་ལྷ་མིན་འཁྲུངས་པའི་ཡོངས་འདུའི་ཤིང་།།
བསོད་ནམས་དཔལ་གྱིས་བཞད་པའི་འབྲས་བུ་ལ།།
ལོངས་སུ་སྤྱོད་པའི་སྐལ་བ་དམན་པ་ལས།།
ད་དུང་འཁྲུག་པའི་རྩོད་པ་འདི་ཡིས་མཚོན།།

པད་མའི་མཚོ་རུ་བདུད་སྡིག་གཉིས་འཐུང་ལ།།
སྤྲུལ་ཏེ་པད་ཚལ་བཅོམ་པ་ཁོ་ན་རུ།།
སྡང་བར་བྱེད་པའི་བསམ་པ་འཆང་བས་ཅི།།
རང་ལ་ནུས་མཐུ་ཞན་པ་འདིས་ཀྱང་ནོངས།། ༢༠༢༣\ ༥\ ༡༩\ ཉིན་རྨ་པྲཛྙཱ་ནས།