རིག་བྱེད་ཚིག་གི་རོལ་རྩེད།

ཆབ࿐ཆོས་དབྱིངས།

དེ་ཡི་བྱུ་རུ་མཆུ་སྒྲོས་ནི།།
འདབ་ལྡན་སྟོང་གི་དྲི་བསུང་ཅན།།
དྲི་འཛིན་སྣ་ཡི་བུ་གའི་ནང་།།
མ་ལཱ་ཡ་ཡི་སྡོང་བཞིན་ཞིམ།།

ཟླ་གདོང་རི་དྭག་མིག་ཡངས་ཅན།།
གནག་སྣུམ་སྐྲ་ཡི་ལན་བུ་ཁེབས།།
གཡའ་དག་སྟོན་གྱི་ནམ་མཁའ་ན།།
བཅོ་ལྔའི་ཟླ་གཞོན་བཞིན་དུ་མཛེས།།

ཚེམས་ཕྲེང་སྤྲིན་དཀར་ཕང་ཕུང་ནང་།།
ལྗགས་བཟང་གློག་གི་རོལ་རྩེད་འཁྱུགས།།
རིག་བྱེད་ཚིག་གི་ཏམ་བུ་ར།།
ཕལ་བའི་སེམས་སུ་ཅི་ཡང་སྙན།།

འཆི་མེད་བུ་མོའི་ཁེངས་པ་ནི།།
ཟག་བཅས་ཆ་ལུགས་མངོན་བྱས་མོད།།
དཔེ་བྱད་ཟླ་བའི་རྒྱབ་ཡོལ་ཅན།།
ཟག་མེད་སྤྲུལ་པའི་སྣང་བརྙན་སྒུལ།།

ཆགས་ལྡན་དད་པའི་རླབས་ཕྲེང་དུ།།
གྱ་གྱུ་གཟུགས་ལྡན་ཉལ་འགྲོའི་ཚིག།
བཅོས་མིན་སྣང་ཚུལ་ཐོལ་བྱུང་དུ།།
བརྗོད་ན་ཆགས་ལྡན་འགུགས་པར་བྱེད།།

ཙན་དན་ལྗོན་པའི་ནགས་ཀློང་དུ།།
སྙན་ཚིག་ཁྲུང་ཁྲུང་མགུལ་དུ་བཏགས།།
ཆགས་ལྡན་སེམས་ཀྱི་་བུམ་ཆུང་ནང་།།
ཚོར་འདུ་ཚིག་ལ་སྦྲན་ཏེ་བཤད།།

མཛེས་སྡུག་ཉིང་ཁུ་བདག་གིར་བྱས།།
ཆགས་ལྡན་སྨྱུག་ཐོག་ངག་ཀྱང་ཁྲོལ།།
འདི་སྣང་འཇིག་རྟེན་མ་འཇིག་བར།།
མཛེས་སྡུག་ཆ་བྱད་འདི་ལ་གཡེང་།།

མཚོ་བྱུང་པདྨའི་ལྡུམ་རའི་ནང་།།
རིག་བྱེད་སྙན་པའི་ཚིག་འགའ་འབུས།།
ཚིག་གི་ཟེའུ་འབྲུ་རོལ་བཅུད་ལ།།
ཆགས་ལྡབན་བུང་བ་ཅི་ཡང་འཁོར།།

གནམ་གང་དུས་ཆེན།释迦牟尼佛节日

དེ་རིང་བོད་ཚེས་སུམ་ཅུ་རེད།
དེ་རིང་ནི་བོད་ཟླ་དགུ་པའམ་དུང་བཅུ་འགྱུར་ལྷ་བབས་ཟླ་བའི་ཚེས་སུམ་ཅུ་སྟེ་དགེ་སྡིག་གང་བསྒྲུབ་ཀྱང་དུང་ཕྱུར་དགུར་འགྱུར་བའི་དཔལ་རྒྱལ་བ་རྣམ་འདྲེན་བཞི་པ་ཤཱཀྱ་ཐུབ་པའི་དུས་ཆེན་ཡིན་པས། ནང་པའི་རྗེས་འཇུག་པ་ཞིག་ཡིན་ན། ཟླ་འདིིའི་ནང་གི་དགེ་བ་ལ་མཇུག་སྡོམ་བྱེད་དེ་མ་གྱུར་སེམས་ཅན་ཐམས་ཅད་ཀྱི་དོན་དུ་བསྔོ་བ་དང་། རང་གི་སྡིག་པ་གང་བྱས་ལ་འགྱོད་བཤགས་དང་ཕྱིན་ཆད་ཅི་ནུས་ནས་མི་བྱེད་པར་དམ་བཅའ་བ་ནི་དེ་རིང་གི་འོས་འགན་གཅིག་པུ་དེ་ཡིན།

今天是(11月13日）藏历九月三十，即善恶变动十亿倍的天降月最后一天，是本师释迦牟尼佛的殊胜吉日，无论行善与恶都会增长九亿倍。诸恶莫作，众善奉行。我们作为佛教弟子应当要检讨自己的过去，一心忏悔自己所做的每个恶业，并且去承诺尽量再不作恶。今天请大家记得回向，把整个月的善业回向给众生，这是今天应该要行持的重要善法。

ལེགས་པ་ཀུན་དང་རྟག་ཏུ་འཕྲད་པ་དང་།།
祈愿恒常值遇诸吉祥
ཉེས་པ་ཀུན་དང་རྟག་ཏུ་བྲལ་བ་དང་།།
恒常远离一切诸过失
གང་བྱས་ཐམས་ཅད་ཤིན་ཏུ་ལེགས་པ་དང་།།
一切所作唯愿诸吉祥
ཅི་བསམ་ཐམས་ཅད་ཡིད་བཞིན་འགྲུབ་པར་ཤོག།
一切所思如意而成就
སངས་རྒྱས་ཀྱི་མཚན་སྔགས་ནི།
释迦牟尼佛圣号
བླ་མ་སྟོན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ།། མཆོད་དོ།། སྐྱབས་སུ་མཆིའོ།།
喇嘛敦巴 洞丹迪 得银夏巴 扎洞巴 扬达巴 作波桑吉 华嘉瓦 夏迦特巴拉 香擦洛 窍多 嘉森且奥！
顶礼供养皈依本师出有坏如来应供真实圆满正等觉释迦牟尼佛！

གཟུངས་སྔགས་ནི།
释迦牟尼佛心咒
ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཱ་ཧཱ།
嗡 牟尼牟尼 嘛哈牟尼耶 索哈

࿐བསྟན་པའི་དཔལ་གྱུར་བླ་མའི་ཞབས་པད་བརྟན།།
བསྟན་འཛིན་སྐྱེས་བུས་ས་སྟེང་ཡོངས་ལ་ཁྱབ།།
བསྟན་པའི་སྦྱིན་བདག་མངའ་ཐང་འབྱོར་བ་རྒྱས།།
བསྟན་པ་ཡུན་རིང་གནས་པའི་བཀྲ་ཤིས་ཤོག།