གཏིང་ཟབ་ཀྱི་རྒྱ་མཚོར་འགྲན་པའི་ཤེས་ལྡན་གྱི་བཤེས་གཉེན་དམ་པ། །
དབྱར་སྐྱེས་ཀྱི་རྔ་སྒྲ་ལྟ་བའི་སྐད་ངག་གི་ང་རོའི་གདངས་ནས། །
དགོས་འདོད་ཀྱི་ཤེས་བྱའི་བདུད་རྩི་ཕངས་མེད་ངང་ང་ཚོར་བསྩལ་བས། །
ལྷག་བསམ་ལ་བཀའ་དྲིན་མཚོན་པས་བསྟོད་པ་ཞིག་སྨྱུག་རྩེར་འཁྱིག་ཡོད། །

《དགེ་བའི་བཤེས་གཉེན་ཆེན་མོ་མཛོད་ཚང་བརྩོན་འགྲུས་མཆོག་གློ་བུར་སྐུ་ཞི་བར་གཤེགས་པར་མྱ་ངན་ཏུ་ཕུལ་བ།》
ད་ལྟ་བར་དུ། ཆོས་བཞིན་འདུལ་བ་བཞིན་མཛད་པས་ནང་པ་སངས་རྒྱས་པའི་བསྟན་པར་ཐུགས་སེམས་དཀར་ཞིང་རང་མི་རིགས་ཀྱི་ལ་ཞེན་ཡོད་པ། རང་གི་ཕ་ཆོས་གཙིགས་སུ་འཛིན་པའི་བོད་རིག་པ་འཛིན་སྐྱོང་སྤེལ་གསུམ་བྱེད་པའི་དཔའ་བོ་དང་། ཞི་ཞིང་དུལ་བ་དང་དུས་རན་པ་ལ་བཀའ་སློབ་གནད་ལ་ཁེལ་བ་གནང་ཐུབ་པའི་ཁྱད་ཆོས་ངོ་མཚར་བ་དུ་མ་ཡོད་ལ། མདོ་སྔགས་རིག་གནས་དང་བཅས་པའི་དགེ་བཤེས་ཁོང་གིས་བུ་སློབ་སྟོང་ཕྲག་མང་པོ་བསྐྱངས་བཞིན་གདུལ་བྱའི་གཙུག་རྒྱན་དུ་ལྷམ་མེ་ལྷན་ནེ་ལྷང་ངེ་བཞུགས་པ་ཡིན་ལ། རྟག་ཏུ་དེ་ལྟར་ཡིན་འོས་ནའང་། དུས་ཕྱིས་སུ། རེ་ཞིག་གདུལ་བྱའི་བསོད་ནམས་ཀྱི་མཐུ་བྲི་བ་དབང་གིས་གདུལ་བྱ་རྟག་འཛིན་ཅན་དང་ལེ་ལོ་ཅན་རྣམས་ཆོས་ལ་སྐུལ་ཕྱིར་མགོ་ཟླ་བའི་ཚེས་དྲུག་གི་དགོང་མོར་སྐུ་ཡི་བཀོད་པ་ཆོས་ཀྱི་དབྱིངས་སུ་ཐིམ་པའི་ཚུལ་བསྟན་པ་ལ་བཅོས་མིན་བསམ་པའི་གཏིང་ནས་མྱ་ངན་ཞུ། [蜡烛][蜡烛][蜡烛] https://t.cn/R2Wx3sA

ཕྱི་རོལ་ལྷག་རླུང་ངར་ཁ་ཇི་ལྟར་བཙན་རུང་།།
ནང་དུ་འོད་གསལ་སེམས་ཀྱི་བདེ་དྲོང་འབར་བ།།
མལ་ས་དྲོད་ཀྱིས་ཁེངས་པས་སྐྱེད་པ་མ་རེད།།
གངས་རྒྱན་མ་ཡུམ་ཁྱེད་ཀྱིས་ཟིལ་ཤུགས་རེད་པཱ།།

2023。 12。22。