#随手拍##热爱生活##冒个泡#
[浪][浪]༑༜དེ་རིང་བོད་ཀྱི་སོ་ནམ་ལོ་གསར་རམ་ཤར་ཕྱོགས་ལོ་གསར་ཡང་ཟེར།ལྷན་རྒྱས་ཡོངས་ལ་བཀྲ་ཤིས་སྨོན་འདུན་ཡང་ཡང་ཞུ།[鲜花][good]
[酷][酷]今晚陈大牛见到藏文，全世界老外见到都
会头痛[泪][嘻嘻][鲜花][good]它写到藏历新年，东方新年，祝大家吉祥如意[心][心][鲜花][good]

སྡེ་དགེ་པར་ཁང་ནི་སྤྱི་ལོ་1729ལོར་སྡེ་དགེ་རྒྱལ་པོའི་རྒྱལ་རབས་བཅུ་གཉིས་པ་ཆོས་རྒྱལ་བསྟན་པ་ཚེ་རིང་གི་སྐབས་སུ་བཞེངས་འགོ་བརྩམས་ཤིང་། དེའི་རྗེས་ཀྱི་རྒྱལ་རབས་གསུམ་གྱི་རིང་དུ་བསྡོམས་པས་ལོ་27ལ་རྒྱ་བསྐྱེད་མཛད་མཐར་ད་ལྟའི་སྡེ་དགེ་པར་ཁང་གི་གཞི་ཁྱོན་གཞི་ནས་གྲུབ། ད་ལྟའི་བར་དུ་ཧ་ལམ་མི་ལོ་300ལ་ཉེ་བའི་ལོ་རྒྱུས་ལྡན། པར་ཁང་འདིར་ད་ལྟ་བསྡོམས་པས་པར་ཤིང་ཁྲི་32ཉར་ཚགས་བྱས་ཡོད་པ་དང་། དེའི་ཁྲོད་དུ་པར་ཤིང་ཁྲི་22ལྷག་ནི་པར་ཤིང་རྙིང་པ་རྐྱང་རྐྱང་ཡིན་པར་བཤད། རིག་གནས་གསར་བརྗེ་ཆེན་པོའི་སྐབས་སུའང་སྡེ་དགེ་པར་ཁང་ལ་བལྟོས་བཅས་ཀྱིས་གཏོར་བརླག་ཆེན་པོ་ཐེབས་མེད་སྟབས། རིན་ཐང་བྲལ་བའི་པར་ཤིང་རྩ་ཆེན་གང་མང་ཞིག་སྔར་བཞིན་ཉར་ཚགས་བྱེད་ཐུབ་ཡོད།
བཀའ་བསྟན་གཉིས་དང་ནང་སྒོས་སུ་རྒྱལ་བའི་བཀའ་འགྱུར་གྱི་ཚད་ལྡན་པར་གཞི་རུ་སྡེ་དགེ་པར་མ་འཛིན་པའི་རྒྱུ་མཚན་ནི་སི་ཏུ་ཆོས་ཀྱི་འབྱུང་གནས་མཆོག་གིས་ཐེངས་གང་མང་ལ་ཞུ་དག་གནང་བས་འཁྲུལ་མེད་དུ་འཛིན། སྡེ་དགེ་པར་ཤིང་གི་ཐུན་མོང་མ་ཡིན་པའི་ཁྱད་ཆོས་གང་ཡིན་ཞེ་ན། པར་ཤིང་གི་རྒྱུ་ཆ་ནི་བརླན་གཤེར་སེལ་ནུས་པའི་མཁྲིས་ཤིང་ཡིན་པ་དང་། པར་ཤིང་གི་ཡིག་གཟུགས་སྡེ་བྲིས་ཡིན་ལ། པར་བརྐོས་ལག་རྩལ་དང་ཞུ་དག པར་སྐྲུན་སོགས་གྱི་གོ་རིམ་ལ་ཧ་ཅང་ཞིབ་ཚགས་ལྡན་ཞིང་། གཞན་ཡི་གེ་འབྲི་བྱེད་ཀྱི་སྣག་ཚ་དང་ཤོག་བུ་སོགས་ཀྱི་སྤུས་ཀ་ཤིན་ཏུ་ལེགས་པའི་ཆ་ན་ཡོད།
 སྡེ་དགེ་པར་ཤིང་དུ་བརྐོས་པའི་བརྗོད་བྱ་ལ་ནང་ཆོས་ཀྱི་གསུང་རབ་ལས་གཞན་གསོ་བ་རིག་པ་དང་སྐར་རྩིས་རིག་པ། ཐ་ན་ཆོས་ཉིད་མ་ཞེས་པའི་དབྱངས་རྟགས་ཐིག་ལྔའི་རོལ་དབྱངས་སྐོར་གྱི་པར་ཤིང་ཡང་ཡོད་པས། བོད་ཀྱི་རིག་གནས་ཆེ་ཆུང་བཅུའི་བརྗོད་བྱ་ཆ་ཚང་འདུས་ཡོད་ཅེས་བཤད་ཆོག དེར་མ་ཟད། སྡེ་དགེ་པར་ཁང་ལ་ཆོས་ལུགས་གྲུབ་མཐའི་དབྱེ་བ་དང་ཕྱོགས་ཞེན་ཅི་ཡང་མེད་པར། འདིར་བོད་ཀྱི་གྲུབ་མཐའ་ལྔའི་བཀའ་འབུམ་གྱི་པར་ཤིང་ཚང་མ་ཉར་ཚགས་བྱས་ཡོད། པར་ཤིང་གི་མང་ཉུང་དང་རིགས་མང་པོའི་ཆ་ནས་བོད་ཀྱི་པར་ཁང་གཞན་ལས་ཡང་རྩེར་བགྲང་ཆོག

སྤྱི་ལོ༢༠༢༤ཟླ་༡ ཚེས། ༡༤ཉིན་ལ།

སེམས་རྒྱ་ཆུང་བའི་རྟགས་མཚན།
གཅིག རང་གི་ཁེ་ཕན་ལ་བརྩི་མཐོང་ཆེན་པོ་བྱེད་པ། རང་ཉིད་ཀྱིས་ཕམ་ཁ་ཅང་ཟད་ཀྱང་ཁུར་མི་འདོད་པ། ལག་གི་རྒྱུ་ནོར་ལ་ཆེ་མཐོང་བྱེད་པ་ཆེ་དྲག་ནས། གཞན་ཐོབ་དཀའ་བ།
གཉིས། དོན་དག་ཡོད་ཚད་ལ་རྩིས་ཞིབ་མོ་རྒྱག་པ། གཞན་ལ་རོགས་བྱེད་རྒྱུར་མི་དགའ་བ། རང་གི་ཐོབ་ཤོར་ལ་བརྩི་མཐོང་ཆེ་དྲག་པ་སོགས་སོ།