གནས་ཆེན་རི་བོ་རྩེ་ལྔའི་ཞིང་ཁམས་སུ།།
自大圣境五台山
འཇམ་དཔལ་ཐུགས་ཀྱི་བྱིན་རླབས་ཡིད་ལ་སྨིན། །
文殊加持入心中
འཇིགས་མེད་ཕུན་ཚོགས་ཞབས་ལ་གསོལ་བ་འདེབས། །
祈祷晋美彭措足
དགོངས་བརྒྱུད་རྟོགས་པ་འཕོ་བར་བྱིན་གྱིས་རློབས།།
证悟意传求加持。

དྲིན་ཆེན་རྩ་བའི་བླ་མ་ཁྱེད་ཀྱི་སྐུ་གསུང་ཐུགས་ཀྱི་བྱིན་རླབས་མཐའ་དག་བདག་ཅག་གི་རྒྱུད་ལ་འཕོས་ནས། བསྟན་པ་དང་སེམས་ཅན་གྱི་དོན་རྒྱ་ཆེན་པོ་འགྲུབ་པར་བྱིན་གྱིས་བརླབ་ཏུ་གསོལ།
请大恩根本上师加持我，您身语意的一切功德融入到我的 心底，祈愿弘法利生事业圆满成功

༄༅། །དག་སྣང་ཆོས་སྐོར་ལས། དགྲ་བླ་འབོད་པའི་གད་རྒྱངས་བཞུགས་སོ།།

ཀྭའི་ཀྭའི་ཀྭའི། 
ཀི་གཅིག་ཀི་གཉིས་ཀི་སྒྲ་གསུམ། །
དཔའ་དགྲ་བླ་འབོད་པའི་གད་རྒྱངས་ཡིན། །

ཀི་དང་པོས་རྒྱལ་ཀུན་འདུས་པའི་སྐུ། །
རྗེ་འགྲན་མེད་སེང་ཆེན་རྒྱལ་པོ་འབོད། །
དཔལ་དོན་བརྒྱུད་རྟོགས་པའི་ཕ་ཕོག་དེ། །
བདག་སྐལ་ལྡན་སེམས་ཀྱི་དཔྱིད་དུ་སྩོལ། ། 

ཀི་གཉིས་པས་ཕ་ཇོ་འདན་མ་འབོད། །
བུ་དམ་ཚིག་འགྱུར་མེད་ཁོ་བོ་ལ། །
ཚར་གཅོད་དང་རྗེས་སུ་འཛིན་པ་ཡི། །
དཔའ་དགྲ་བླ་འབུམ་གྱི་ནུས་མཐུ་སྩོལ། །

ཀི་གསུམ་པས་གཏན་གྲོགས་ནེའུ་ཆུང་འབོད། །
གནས་ཉེར་བཞིའི་དཔའ་བོ་མཁའ་འགྲོའི་ཚོགས། །
དུས་མཉམ་དུ་རོལ་བའི་བདེ་སྟོང་ལམ། །
ཆོས་ཟག་མེད་དགའ་སྟོན་འགྱེད་དུ་གསོལ། ། 

ཕར་ལྟོས་དང་ངོ་མཚར་ཆེ་ལུགས་ལ། །
འོད་ཆེན་པོས་ནམ་མཁའ་གང་ནས་འདུག །
འདི་འདྲ་བ་ད་སྔོན་མཐོང་མ་མྱོང་། །
སེམས་འོད་གསལ་རིག་པའི་སྣང་ཆ་ལ། །

ཡང་བལྟས་ཚེ་མི་དཀར་རྟ་དམར་ཅན། །
ཞལ་དཀར་པོ་བཅོ་ལྔའི་ཟླ་གཞོན་ལ། །
མཚལ་ལི་ཁྲིས་ཐིག་ལེ་བྱས་པ་འདྲ། ། 
མིག་གང་ལ་གཏད་ཀྱང་ཁྱོད་ལ་འཁོར། །

སེམས་གཡོ་མེད་ཁྱོད་ཀྱིས་དམ་པོར་བསྡམས། །
སྐུ་བརྗིད་པ་རི་ཡི་དབང་པོ་འདྲ། །
རྩལ་གློག་ཞགས་འཁྱུགས་པའི་གར་ལ་འགྲན། །
སྟོབས་ཆེ་བས་གནམ་ས་ཡོམ་ཡོམ་བྱེད། །

འདི་འཛམ་གླིང་སེང་ཆེན་ཡིན་ངེས་འདྲ། །
རྗེ་དེ་ཡི་སྟེང་འོག་ཕྱོགས་མཚམས་ན། །
སྟེང་ལྷ་དམག་སྤྲིན་དཀར་བྱིན་རེ་ཆགས། ། 
བར་གཉན་དམག་རླུང་དམར་དྲག་ཏུ་འཚུབ། །

འོག་ཀླུ་དམག་རྒྱ་མཚོ་མེ་རེ་རེ། །
སྨན་ན་ཆུང་གླུ་དབྱངས་ཤ་ར་ར། །
འཁོར་དཔའ་རྟུལ་སྟོང་དང་དགུ་བརྒྱ་དང་། །
དེའི་ཡང་འཁོར་འབུམ་ཁྲི་འབུམ་སྟོང་རྣམས། ། 

དམག་ལྟ་བ་མིག་གིས་མི་བཟོད་ཅིང་། །
གྲངས་གཞལ་བ་སེམས་ཀྱིས་མི་ཆུམ་མོ། །
དཔུང་འདི་འདྲ་གང་དུ་བསྐྱོད་རྒྱུ་ཡིན། །
བུ་སྐལ་ལྡན་རྗེས་སུ་འཛིན་འདོད་ན ། །

སྐུ་གཞན་དུ་མ་སྐྱོད་འདི་རུ་བཞུགས། །
མགོན་ཤཱཀྱ་སེང་གེའི་བསྟན་པ་ལ། །
ཁ་ཙམ་མིན་སྙིང་ནས་གུས་པ་ཡི། །
ངེད་བུ་སློབ་སྐལ་ལྡན་འབུམ་ཕྲག་རྣམས། །

རྗེ་ཁྱེད་ཀྱི་བྲན་དུ་སྙིང་ནས་མཆི། །
གནས་ལོངས་སྤྱོད་ལྟོས་པ་མེད་པར་འབུལ། །
ལས་སྐྱིད་སྡུག་ཅི་མཛད་ཁྱེད་རང་མཁྱེན། །
སྡང་དགྲ་བོ་ཆམ་ལ་འབེབས་འདོད་ན། །

སྤྱིར་བསྟན་དང་འགྲོ་བ་ཡོངས་ལ་འཚེ ། །
སྒོས་ལྷ་འབངས་སྐལ་ལྡན་བདག་ཅག་ལ། །
བསམ་ངན་དང་སྦྱོར་རྩུབ་འཆང་བ་ཡི། །
དགྲ་བྱེ་བ་འབུམ་གྱི་ཤ་ཁྲག་ཀུན། །

གླིང་དཔའ་བོའི་རྔམ་སྟོན་ཟས་སུ་འབུལ། །
ཐུགས་དགྱེས་པར་མཛོད་ལ་བཞེས་སུ་གསོལ། །
ངེད་འདིར་ཚོགས་སྐ ལ་ལྡན་ཕོ་མོ་ཡི། །
ལུས་འདི་ལ་དགྲ་བླའི་དཔའ་རྫོང་ཆོས། །

ངག་མི་འགྱུར་བདེན་ཚིག་ནུས་པ་སྩོལ། །
སེམས་ཆོས་སྐུའི་རང་ཞལ་མངོན་སུམ་སྟོན། །
རྗེ་ཁྱེད་དང་དབྱེར་མེད་བྱིན་གྱིས་རློབས། །
ཨེ་ཨ་ཏི་མི་བུ་ལྷ་རྒྱལ་ལོ། །

རང་རེའི་ལ་གསུང་ཟིན་འབེབས་པའི་སྲོལ་དར་ཡུན་རིང་ནའང་། ད་དུང་གསུང་ཟིན་འབེབས་ལུགས་ཀྱི་རིག་གཞུང་ཞིག་ཆགས་ཐུབ་མེད་པས། དེའི་སྟོང་ཆ་ཁ་སྐོང་ཆེད་དུ་འདི་ནི་ས་བོན་འདེབས་པ་ཙམ་ཡིན་མོད། རིམ་གྱིས་ཚད་ཐུབ་ཅིག་ཨེ་འགྲུབ་ལ་རེ་བ་བཅངས་ཡོད། [咖啡][咖啡][咖啡]