དུས་རབས་ཀྱི་མིས་དུས་རབས་ཀྱི་རྗེས་ཟིན་དགོས་ཤིང་། དུས་རབས་དེའི་འགྱུར་འགྲོས་ཀྱི་རླབས་རྒྱུན་ནི་དུས་རབས་དེའི་འཕར་རྩ་ཡིན་པས། དེ་ཉིད་ཁོང་དུ་ཆུད་པར་བྱས་ཏེ། རླུང་ཡོད་མེ་བཞིན་དུས་སུ་བསྒྲུབ་ན་རྒྱལ་ཁ་རང་ལག་ཏུ་ཡོད་པ་ཡིན།
ཁྱབ་བདག་རྫོགས་ཆེན་པའི་གསུང་ལས་དྲངས།

我们必须与时俱进，紧跟时代的步伐。一个时代的变化潮流就代表着该时代的生命力。只要深刻认识这一点，并像风助火燃一般迅速地采取行动，那么胜利就掌握在自己手中。

大圆满尊者白玛格桑法王

Modern people need to keep up with the times, and since the changing trends of a time are its vitality, we should master them. Thus, like a fire fanned by the wind, if accomplished in time, victory is in our hands.
- Dzogchen Pema Kalsang Rinpoche

ཀརྨ་པ་དུས་གསུམ་མཁྱེན་པ་ནི་ཁམས་བྲག་མགོའི་མི་ཡིན། ཁོང་གི་འཁྲུངས་གཞིས་ཏྲེ་ཧོའམ་ཏྲེ་བོ་ན་ཡོད་རེད། ཕྱིས་སུ་དབུས་ལ་ཕེབས་ནས་ཕག་མོ་གྲུ་པ་སོགས་བླ་མར་བསྟེན་ནས་མཁས་གྲུབ་ཆེན་པོར་གྱུར། དེ་ཕྱིས་བླ་མའི་ལུང་བསྟན་བཞིན་ཀཾ་པོ་གནས་ནང་ནས་བཞུགས་པས་དེའི་ཆོས་བརྒྱུད་འཛིན་པ་ཐམས་ཅད་ལ་ཀཾ་ཚང་བཀའ་བརྒྱུད་ཅེས་འབོད་སྲོལ་བྱུང་བ་རེད། ཁོང་གཤེགས་རྗེས་ཀརྨ་པཀྴི་འཁྲུངས་ནས་དེ་ཉིད་ཀྱིས་རང་ཉིད་དུས་གསུམ་མཁྱེན་པའི་སྐུ་སྐྱེ་སུ་ཞལ་བཞེས་གནང་བས་བོད་ལ་སྤྲུལ་སྐུའི་ལམ་ལུགས་ཀྱི་དབུ་ཚུགས། དེ་ནས་ད་ལྟའི་ཀརྨ་པ་སྐུ་ཕྲེང་བཅུ་བདུན་པའི་བར་དུ་སྐྱེ་ཕྲེང་ཟམ་མ་ཆད་དུ་བྱུང་ངོ་། ། [鲜花][鲜花][鲜花]

གྲི་བཙན་ཞི་བ་ལྷའི་འཕྲིན་བཅོལ་བདུད་རྩིའི་རྒྱུན་ཞེས་བྱ་བ།

ཁྱབ་བདག་པ་ལ་ཕྱག་འཚལ་ལོ།།
ཨེ་མ་ཧོ།

ཀུན་ཁྱབ་གདོད་མའི་དབྱིངས་ལས་མ་གཡོས་ཀྱང་།།
ལྷུན་གྲུབ་སྒྱུ་མར་ཡོངས་ཤར་ཡེ་ཤེས་ལྷ།།
ཐིག་ལེ་སྟོང་ལྡན་རི་དྭགས་ཤ་བའི་གདོང་།།
བསམ་གཏན་ནགས་ཀྱི་རྣལ་འབྱོར་སྐྱོངས་བའི་ལྷ།།

རྭ་བཅུའི་རུ་ཐུར་རྒྱས་དང་རི་དྭགས་མིག།
རྫི་གསང་རྣོ་ཞིང་སྙན་གྱི་རྒྱལ་མཚན་ཅན།།
ཤ་བ་འཚེར་གླིང་དབེན་པའི་རི་ངོགས་སུ།།
མི་སྐད་སྨྲ་བཞིན་མི་ཡི་འདོད་དོན་སྒྲུབ།།

ཁྱེད་ལ་དགྱེས་པའི་འདོད་ཡོན་མི་ཟད་གཏེར།།
ངོ་བོ་ཟག་མེད་བདེ་དགའ་རྒྱ་མཚོའི་སྤྲིན།།
ཡོངས་ཤར་རི་ཆུ་ནགས་ཐང་མེ་ཏོག་ཚོགས།།
བསང་དང་སྐྱེམས་སོགས་ལྷ་མིའི་ལོངས་སྤྱོད་མཆོད།།

རྣམ་འདྲེན་བཞི་བ་ཐུབ་དབང་ཤཱཀྱའི་ཏོག།
རབ་འབྱམས་དཀོན་མཆོག་སྤྱི་འདུས་ཨོ་རྒྱན་རྗེའི།།
བསྟན་པ་ཡོངས་སུ་སྤེལ་མཛད་ཞི་བའི་ཞལ།།
དཀར་ཕྱོགས་དབུ་འཕང་སྒང་ལ་བསྟོད་གྱུར་ཅིག།

བསྟན་འཛིན་ཚེ་སྲིང་བསྟན་པ་དར་ཞིང་རྒྱས།།
དགེ་འདུན་སྡེ་འཕེལ་བཤད་སྒྲུབ་ལས་ཀྱིས་ཕྱུག།
བསྟན་པའི་སྦྱིན་བདག་དར་ཞིང་རྒྱལ་ཁམས་བདེ།།
རྣལ་འབྱོར་འདོད་པའི་འབྲས་བུ་མཆིས་པར་མཛོད།།

ཅེས་པ་ནི་ཉུང་འཁྲུལ་རྨི་ལམ་གྱི་འོག་འགྱུ་དང་སྦྱར་བ་དགེའོ།། །།