དེ་རིང་ཆེད་དུ་མཁས་དབང་དགེ་འདུན་ཆོས་འཕེལ་གྱིས་བསྒྱུར་ཞེས་འཁོད་ཅིང་། ཁ་བྱང་ལ༼རྒྱའི་ལོ་རྒྱུས་ལས་བྱུང་བའི་བོད་ཀྱི་རྒྱལ་རབས་སྐོར༽ཞེས་པ་འདི་བླུས་པ་ཡིན། དེ་སྔོན་ལྷ་ས་ནས་སྐུ་ཚ་གཡུང་དྲུང་རྒྱལ་གྱི་རིགས་སྲས་སྟག་ལ་འབུམ་དང་འབྲེལ་བ་ཐེངས་འགར་བྱུང་ཡང་། འདི་ཉིད་འདྲི་རྒྱུ་ལྷག་པའི་མུར་གྲོགས་པོ་ཁོང་གློ་བུར་འདས་གྲོངས་སུ་གྱུར་སོང་། མ་ཕྱི་དངོས་ལ་ཞིབ་པར་དཔྱད་ན། མཁས་དབང་དགེ་འདུན་ཆོས་འཕེལ་གྱི་དབུ་མེད་ཡིག་གཟུགས་མིན་པ་མ་ཟད། མཚམས་མཚམས་སུ་རྒྱ་ཡིག་གི་ཡིག་གཟུགས་གྲལ་དག་པོ་ཞིག་འཁོད་ཡོད་པ་དེ་ནི་དགེ་ཆོས་ཀྱི་ཡིག་གཟུགས་མིན་པར་ཐག་གཅོད་བྱས་ཆོག་སྙམ་ཡང་དཔྱད་གཞི། ལར་མཁས་དབང་དགེ་འདུན་ཆོས་འཕེལ་གྱིས་རྒྱ་ཡིག་མི་མཁྱེན་པ་ཐག་གིས་ཆོད་ལ། རྒྱུ་མཚན་ནི། གསེར་ཐང་དུ་དྲངས་པའི་རྒྱའི་བཙུན་པའི་ལམ་ཡིག་རྣམས་དང་། ཁྱད་པར་དུ༼གཏམ་རྒྱུད་གསེར་ཐང༽གི་ལུང་ཁུངས་ཧ་ཅང་གནད་འགག་ཅན༼ལྷོའི་རྒྱ་མཚོའི་སྤྲིངས་ཡིག༽བྱ་བའང་ཕྱི་ལོ༡༨༩༦ལོར་བསྒྱུར་བའི་དབྱིན་ཇུའི་བསྟན་བཅོས་དེ་ལས་ལུང་དྲངས་པ་ཞིག་རེད། — བན་ཤུལ་པས་བྲེལ་བ་ཧ་ཅང་ཚ་བའི་དུས་སུ་བྲིས་སོ།།
སྙན་ངག་ཀུན་གྱི་རྒྱལ་པོ་འཁྲི་ཤིང་གི །
ཤིང་རྟའི་འཕང་ལོ་གཡོས་པའི་བཤུལ་ལམ་དུ། །
དེང་དུས་སྐྱེས་བོའི་རྒྱུ་འགྲུལ་ཟད་པ་ན། །
གྲིབ་མ་གཉིས་པའི་གྲོགས་བཅས་འགྲོ་བ་སུ། །
___ཅོ་ནེ་བླ་མ་རིན་པོ་ཆེ་བློ་བཟང་རྒྱ་མཚོས།
ཤིང་རྟའི་འཕང་ལོ་གཡོས་པའི་བཤུལ་ལམ་དུ། །
དེང་དུས་སྐྱེས་བོའི་རྒྱུ་འགྲུལ་ཟད་པ་ན། །
གྲིབ་མ་གཉིས་པའི་གྲོགས་བཅས་འགྲོ་བ་སུ། །
___ཅོ་ནེ་བླ་མ་རིན་པོ་ཆེ་བློ་བཟང་རྒྱ་མཚོས།
ཕྱི་ཡི་ཡུལ་རྫོང་དཀོན་མཆོག་སྐྱབས་སུ་བསྙེན། །
ནང་གི་མཁར་རྫོང་དྲན་ཤེས་བག་ཡོད་བསྟེན། །
གསང་བའི་ཁྲབ་རྫོང་ཟང་ཐལ་རིག་སྟོང་བསྒོམ། །
རྫོང་གསུམ་འཛོམས་ལ་བདུད་སྡེས་གླགས་མི་རྙེད། །
___/ ༧ཆོས་རྗེ་དམ་པ་ཡིད་བཞིན་ནོར་བུས།
ནང་གི་མཁར་རྫོང་དྲན་ཤེས་བག་ཡོད་བསྟེན། །
གསང་བའི་ཁྲབ་རྫོང་ཟང་ཐལ་རིག་སྟོང་བསྒོམ། །
རྫོང་གསུམ་འཛོམས་ལ་བདུད་སྡེས་གླགས་མི་རྙེད། །
___/ ༧ཆོས་རྗེ་དམ་པ་ཡིད་བཞིན་ནོར་བུས།
✋热门推荐