མདོར་ན་བྱང་ཆུབ་སེམས་དཔའི་སྤྱོད་པ་ཐམས་ཅད་འཐོབ་ཅིང་ཡོངས་སུ་རྫོགས་པ་དང་དེ་བཞིན་དུ་ཕ་རོལ་ཏུ་ཕྱིན་པ་དང་། ས་དང་བཟོད་པ་དང་ཏིང་ངེ་འཛིན་དང་མངོན་པར་ཤེས་པ་དང་གཟུངས་དང་སྤོབས་པ་དང་བསྔོ་བ་དང་སྨོན་ལམ་དང་སངས་རྒྱས་ཀྱི་ཆོས་ཐམས་ཅད་འཐོབ་ཅིང་ཡོངས་སུ་རྫོགས་པ་ནི་བླ་མ་ལ་རག་ལས། བླ་མ་རྩ་བར་གྱུར་བླ་མ་ལས་བྱུང་བླ་མ་སྐྱེ་གནས་དང་སྐྱེ་མཆེད་དུ་གྱུར་བླ་མས་བསྐྱེད་བླ་མས་སྤེལ་བླ་མ་ལ་བརྟེན་བླ་མ་རྒྱུར་པ་དག་གོ །

ལྷོ་ནུབ་སིནྡྷུ་རོལ་བའི་དྭངས་མཚོར་མ་ཆགས་པདྨའི་སྡོང་པོའི་རྩེར། །
སྣང་མཐའི་ཐུགས་ཀར་གསེར་གྱི་རྡོ་རྗེ་ཧྲཱི་ཡི་ཡིག་འབྲུས་མཚན་པའི་དཔྱིད། །
ལྔ་ལྡན་འོད་ཟེར་གཟུགས་སུ་སྨིན་པ་དུས་གསུམ་རྒྱལ་བའི་སྤྱི་དཔལ་དངོས། །
རང་བྱུང་པདྨ་རྒྱལ་པོ་ཞེས་གྲགས་དད་པའི་མཁའ་ལ་དགྱེས་རོལ་ཅིག །

ཆོས་སྐུའི་ཞིང་དུ་སྣང་མཐའ་ཡས།།
ལོངས་སྐུའི་ཞིང་ན་ཚེ་དཔག་མེད།།
སྤྲུལ་སྐུའི་ཞིང་དུ་པདྨ་འབྱུང་།།
སྐུ་གསུམ་དབྱེར་མེད་ཡིད་བཞིན་ནོར།།
དད་གསུམ་སྙིང་གི་ཟེའུ་འབྲུའི་དབུས།།
འབྲལ་མེད་རྟག་པར་བཞུགས་ནས་སུ།།
མོས་ལྡན་སྲོག་གི་ཀ་བ་ཚུགས།།
སྐྱེ་འཆི་མེད་པའི་དངོས་གྲུབ་སྩོལ།།

གུ་རུ་ཉི་མས། 2024

3

19