སྤི་རག

རྨ་སྐྱེས་གངས་བུ།

མཆོད

དོན་ལ་ཁེར་རྐྱང་ཡིན་དུས་སྤི་རག་མཆོད
བསམ་ཤེས་རྐང་གཅིག་མེད་དུས་སྤི་རག་མཆོད
བཟི་ནོ་རང་གིས་ཤེས་ཚེ་སྤི་རག་མཆོད
མཆོད མཆོད

ཁ་འཇམ་ཁོག་རྩིབ་ཅན་ལ་སྤི་རག་མཆོད
ཁ་ཡག་ཚིག་རྒྱན་ཅན་ལ་སྤི་རག་མཆོད
སྤི་རག་མཆོད་ཀོང་གང་དེ་རང་ལ་མཆོད
རང་གིས་རང་ཉིད་གཅེས་པས་ཡང་བསྐྱར་མཆོད
མཆོད

༢༠༢༣.༦.༢༡.

༄། ། ལོ་རྒྱུས་ཁྲོད་ཀྱི་ཁྲག་ཐིགས།
ཁྱིམ་མཚེས་རྒྱལ་ཁབ་རྣམས་ལ་འབྲེལ་ཟམ་བཙུགས།།
ཕྱི་དགྲ་ནང་འགལ་དཔའ་མཛངས་ཐབས་ཀྱིས་བཏུལ།།
རྒྱལ་པོའི་སྲོག་ཉེན་རྒྱ་ལས་ཐར་བར་མཛད།།
མགར་བློན་མཛད་རྗེས་དྲན་དུས་སེམས་རྩ་དྲོ།།

ཆབ་སྲིད་གྲོས་ཀྱི་འདུན་མ་འཐུས་ཚང་བཏང་།།
རྒྱལ་ཁྲིམས་གསེར་གྱི་གཉའ་ཤིང་སྲ་བརྟན་བཟོས།།
དཔལ་འབྱོར་རྒྱས་ཕྱིར་ཚོང་རའི་སྒོ་མོ་ཕྱེས
མགར་བུ་བཙན་སྙའི་སྙན་གྲགས་རྒྱ་བོད་ཁྱབ།།

དྲག་པོའི་རྩལ་དང་དམག་གི་འཐབ་ཇུས་ཀྱིས།།
མཚན་སྙན་བླ་ན་འབར་བའི་དམག་དཔོན་འགའ།།
ཕམ་པ་བརྒྱབ་ལ་གྲངས་ཀ་འདྲེན་ཚོད་བྲལ།།
གཡུལ་ལས་ཕམ་མྱོང་མེད་པའི་ཁྲི་འབྲིང་གྲགས།།

རང་སྲོག་མཚོན་ཁར་བཞག་ནས་རྒྱལ་དོན་བསྒྲུབས།།
དྲུ་གུ་འ་ཞ་དཔའ་དང་ཐབས་ཀྱིས་བླངས།།
འགྲན་མེད་མཛད་བཟང་དཔའ་བོའི་ལག་རྗེས་དེས།།
རང་སྲོག་གཤེད་མར་འགྱུར་ཡོང་སུ་ཡིས་བསམ།།

རྒྱལ་མོ་ཝུའུ་ཐེན་ཐབས་དང་ཕྲ་མ་མཁས།།
འབྲོ་བཟའ་ཁྲི་ལོད་བསམ་ཤེས་མེད་ལེ་དང་།།
གསར་བུས་དབང་ཆ་མྱུར་དུ་བསྙེག་འདོད་ཀྱིས།།
མགར་ཚང་སྐྱོ་གར་ཁྲོད་ནས་རྫོགས་ཆིག་བཀོད།།
རིག་པའི་མྱུ་གུས།

དོན་ངོ་མའི་བདེ་སྐྱིད་ཅིག་ལ་རོལ་འདོད་ན་རེ་སྒུག་ངང་ཁྱེད་ལ་རྒྱུ་ནོར་སོགས་ཡོད་ཚད་ཐོབ་དགོས་པ་དེ་མ་ཡིན་པར་ཁྱེད་ཉིད་ལ་ལྡན་པའི་མཛེས་སྡུག་གི་དངོས་པོ་ལ་མྱོང་རོལ་བྱེད་རྒྱུ་དེ་ཡིན་སྙམ། 幸福不是得到你想要的一切་，而是享受你所拥有的一切。 ​​​