【有人边徒步边看风景 而他们 注定是最美的风景[赞]】在徒步的队伍里，记者发现不少小伙伴都随身带着垃圾袋，如果产生了垃圾，就自己带走；还有的小伙伴自备“捡垃圾神器”，但是，让人欣喜的是，出发之后的一个小时内却并没有捕捉到多少垃圾；还有一位小朋友，边走边俯身捡起路边的废弃包装袋，扔进垃圾箱……大家对这座城市的爱，是不分年龄的！via新闻大连

【有人边徒步边看风景 而他们 注定是最美的风景[赞]】在徒步的队伍里，记者发现不少小伙伴都随身带着垃圾袋，如果产生了垃圾，就自己带走；还有的小伙伴自备“捡垃圾神器”，但是，让人欣喜的是，出发之后的一个小时内却并没有捕捉到多少垃圾；还有一位小朋友，边走边俯身捡起路边的废弃包装袋，扔进垃圾箱……大家对这座城市的爱，是不分年龄的！（新闻大连）

中文［韻書］

韻書，係古代按照音韻編排嘅字典。記錄咗每個字嘅意義之餘，又用反切記錄咗每個字嘅讀音。而［韻書］同［韻表］唔同嘅地方係韻表會依照一個既定嘅格式，將每個字按著音、韻、調來排列。最初，韻書編纂嘅目的係為咗文學創作，方便啲詩人依照音韻寫詩。但係，韻書又起到字典嘅作用，可以按照字嘅讀音查到佢嘅意義。

三國時代嘅《聲類》，係最早出現嘅一本韻樂書，由魏國李登編著嘅。

晉代嘅《韻集》，係由呂靜編著嘅韻書。《魏書。江式傳》記載：「晉呂靜仿品登之法作《韻集》五卷，宮商角徵羽各為一篇。」。但係呢兩本韻書已經一早就冇咗。

隋代嘅《切韻》，亦係古代最早嘅一本韻書，由陸法言喺仁壽元年（公元601年）編成。全書用韻目為綱，共分195韻。

唐代嘅《唐韻》，係受官方推廣嘅一本韻書，由孫愐修定《切韻》改為《唐韻》。王仁昫嘅《刊謬補缺切韻》又係《切韻》嘅一個增修本，比《唐韻》更加早。但係孫愐曾利用朝廷擴大《唐韻》嘅影響，所以《唐韻》雖然係孫愐嘅私人著作，但係個書名就帶有官方性質，係當時押韻嘅標準。《唐韻》有206個韻，其中定咗某啲韻可以同用，實際只係有112個韻。喺孫愐嘅《唐韻》之後，重有一本《廣唐韻》。

宋代嘅《廣韻》，喺宋真宗臺年，由陳彭年等人奉詔根據《切韻》、《唐韻》等嘅韻書修成《大宋重修廣韻》，即係《廣韻》。《廣韻》就成為古代頭一部由官方主修嘅韻書。宋仁宗景祐四年，即《廣韻》頒行之後29年，宋祁、鄭戩給仁宗上書，批《廣韻》多數用舊文，「繁省失當，有誤科試」。另外根據王應麟《玉海》記載，賈昌朝亦同時上書批評宋真宗景德年間編嘅《韻略》係「多無訓釋，疑混聲、重疊字，舉人誤用」。所以仁宗下令由丁度等人重修呢兩部韻書。結果喺景祐四年當年就完成《禮部韻略》，兩年後喺寶元二年完成《集韻》。《集韻》係《廣韻》嘅修訂本，而《禮部韻略》就係《韻略》嘅修訂本。因為《禮部韻略》喺收字同字嘅注釋方面都為科舉應試考慮，比起《廣韻》、《集韻》都簡略，所以叫做《韻略》。又因為當時嘅科舉考試用嘅官韻，而官韻由唐代開始以來就由主管考試嘅禮部頒行，所以叫《禮部韻略》。《廣韻》《集韻》《禮部韻略》又將某幾個韻同用，雖然有206個韻，但係合併之後可以同用嘅韻就剩108個韻。

金代嘅平水書籍（即係山西平水地方管理圖書印刷嘅官員）王文鬱編《新刊韻略》併舊韻為106個韻，後嚟劉淵刻書刊行新嘅壬子新刊《禮部韻略》共107韻（呢本書已經冇咗，只係由元初黃公紹、熊忠嘅《古今韻會舉要》瞭解到一啲概況）。同宋仁宗景祐四年發佈嘅206韻嘅科舉考試用官韻《禮部韻略》唔同，新嘅壬子新刊《禮部韻略》同王文鬱嘅106韻嘅平水《新刊韻略》係一致嘅。106韻同107韻嘅區別只係喺上聲「拯」、「迥」兩部份係咪合併。元初陰時夫著嘅《韻府群玉》定名106韻嘅版本係「平水韻」。明代以後嘅文人就沿用106韻。

明代嘅《洪武正韻》，係明太祖洪武八年樂韶鳳、宋濂等11位人士奉詔編成嘅官方韻書，共有16卷。《洪武正韻》喺明代有好多次翻刻，影響好大。

清代嘅《佩文詩韻》，喺康熙四十三年至五十五年期間編輯成書，共106韻，係清代科舉用嘅官方韻書，完全取代咗《洪武正韻》。好似非格律詩，啲詞係依煦《詞林正韻》押韻，而散曲就係依照《中原音韻》押韻。

＊＊

〔韻書〕同〔韻圖〕

上古漢語＞三國＞聲類

　　　　　西晉＞韻集

中古漢語＞隋．＞切韻

　　　　　唐．＞刊謬補缺切韻．唐韻．廣唐韻．韻詮

　　　　　宋．＞廣韻．韻略．集韻．禮部韻略．新刊韻略
　　　　　　　　五音集韻．平水韻．韻鏡．七音略
　　　　　　　　四聲等子．切韻指掌圖

近代漢語＞元．＞古今韻會舉要．切韻指南．韻府群玉
　　　　　　　　中原音韻．中州樂府音韻類編．蒙古字韻

　　　　　明．＞洪武正韻．韻畧易通．中州音韻．戚林八音
　　　　　　　　五車韻瑞．六音字典

　　　　　清．＞佩文韻府．佩文詩韻．詞林正韻．切韻考
　　　　　　　　分韻撮要．彙音妙悟．李氏音鑒．同音畧解

現代漢語＞民國＞中華新韻

＊＊

〔漢語辭書〕

古代．＞字典．＞說文解字．龍龕手鑑．康熙字典．干祿字書
　　　　　　　　方言．字彙．玉篇．正字通．廣雅．爾雅
　　　　　　　　小爾雅．埤雅．釋名

現代．＞字典．＞新華字典．中華大字典．漢語大字典
　　　　　　　　中華字海．大學字典

　　　　詞典．＞現代漢語詞典．漢語大詞典．辭海．辭源
　　　　　　　　現代漢語規範詞典．中文大辭典．新華詞典
　　　　　　　　現代漢語大詞典．教育部國語辭典．大辭典
　　　　　　　　國語活用辭典．國語日報辭典．新學友國語辭典

〔垃雜舊書攤．廣東話資料館〕