རིང་ནས་མ་འདྲིས་ཕྱོགས་ཡོང་གི་མགྲོན་པོ།།
དེ་རིང་ལས་ཀྱིས་ལྷན་འཛོམས་འདི་བྱུང་སྟེ།།
གཏམ་གྱི་ཆུ་མིག་གང་ས་ནས་བརྡོལ་བས།།
མ་བཅོས་སྙིང་གི་དགའ་བ་ཞིག་འཕེལ་སོང་།།
ལ་ལ་ལྟོ་དང་རྩེད་མོ་ལ་དགའ་ཞིང་།།
འགའ་ཞིག་རྒྱུ་དང་དབང་ཐང་ལ་སྲེད་པ།།
ངེད་ཅག་ཐུན་མོང་གཏམ་གླེང་ལ་མོས་མཐུན།།
དགའ་སྤྲོའི་ཚོར་སྣང་ཡག་པོ་ཞིག་བསྐྱིལ་སོང་།། https://t.cn/R2WxDGB

དེ་ཡང་ཀུན་གཞིའི་མེ་ལོང་ལ་རྟོགས་པའི་གཟུགས་བརྙན་འཆར་བར་བྱེད་པ་ལ་སྒྲིབ་པ་སྦྱོང་བ་གལ་ཆེ་སྟེ། དཔེར་ན་མེ་ལོང་ལ་གཟུགས་བརྙན་འཆར་བར་བྱེད་པ་ལ་བྱི་དོར་གལ་ཆེ་བ་ལྟར་ཡིན། དེའི་ཕྱིར་སྒྲིབ་པ་སྦྱོང་བའི་ཐབས་གྲངས་མེད་པ་ཞིག་རྒྱལ་བས་བསྟན་པ་ལས། དེ་དག་ཐམས་ཅད་ཀྱི་མཆོག་ཏུ་གྱུར་བ་ནི། བླ་མ་རྡོ་རྗེ་སེམས་དཔའི་སྒོམ་བཟླས་ཡིན།

དཔལ་སྤྲུལ་སྔོན་འགྲོ་ལས།

ངས་ལོ་གཅིག་གི་དུས་ཚོད་སྤྱད་དེ། ཤིང་ཁམ་དཀར་གྱི་དབྱར་དགུན་སྟོན་དཔྱིད་པར་དུ་བླངས་ཡོད། ང་ཚོའི་འཚོ་བ་དང་རྒྱུ་ནོར། ཚེ་སྲོག་བཅས་ཡང་འདི་ལྟར་ཏེ། མཇུག་རྫོགས་པ་ནི་འགོ་བརྩམས་པ་ཡིན་ཤིང་། འགོ་བརྩམས་པའང་མཇུག་འགྲིལ་བ་རེད། དེའི་ཕྱིར། ཁྱེད་རང་གི་འཚོ་བ་ཉམས་རྒུད་དུ་ལྷུང་ཚེ་རེ་ཐག་ཆད་དགོས་དོན་མེད་དེ། ཡོད་ཚད་སླར་ཡང་འགོ་བརྩམས་ཆོག ཁྱེད་རང་འཚོ་བའི་ཡང་རྩེར་སོན་དུས་རྟག་བརྟན་གྱི་སྣང་བ་ཡང་འཆར་མི་ཉན་ཏེ། ཡོད་ཚད་མཇུགས་རྫོགས་འགྲོ་བར་ངེས་པས་སོ།།

———/ མཁན་ཆེན་ཚུལ་ཁྲིམས་བློ་གྲོས་མཆོག་གིས། https://t.cn/R2WxDMf