གླུ་མ་པད་མཚོའི་ཆེད་བསྒྲིགས་གསར་བའི་བརྡ་ཁྱབ།

https://t.cn/A6Mj8amn

ལྷན་རྒྱས་ཁམས་བཟང་། ང་པད་མཚོ་ཡིན།
ད་ཐེངས་ང་རང་གི་ཆེད་བསྒྲིགས་ཐོག་མ།༼རྨི་ལམ་ནང་གི་འབྲོག་མོ།༽ཞེས་པ་ལེགས་འགྲུབ་བྱུང་ཡོད། ཡིན་ནའང་ཆེད་བསྒྲིགས་འདི་ནི་ང་རང་གིས་སློབ་ཞོར་ལས་ཀའི་ཁྲོད་ནས་གྲ་སྒྲིག་བྱས་པ་ཞིག་ཡིན་ལ་མི་འདང་ས་དང་ནོར་འཛོལ་འཆུག་གསུམ་གྱི་ཆ་གང་མང་ཞིག་ཡོད་ངེས་པས་ལྷན་རྒྱས་ནས་དགོངས་འཆར་གནང་རོགས་ཞུ། ད་དུང་ངས་མུ་མཐུད་ཏུ་རང་གི་དགའ་ཕྱོགས་གཙོ་བོར་བཟུང་ཞིང་རང་མི་རིགས་ཀྱི་སྲོལ་རྒྱུན་དབྱངས་རྟ་ལ་གཞི་བཅོལ་ནས་ཕ་སྐད་གཙང་མའི་གླུ་གཞས་ཡག་པོ་རེ་ཨེ་འཁྱོང་ལ་འབད་པ་བྱེད་ངེས། མཇུག་མཐར་གདུང་རྒྱུད་གཅིག་པའི་སྤུན་ཟླ་ལྷན་རྒྱས་ནས་ང་ལ་རྒྱབ་སྐྱོར་དང་ཐུགས་ཁུར་གང་མང་གནང་རྒྱུ་བཀའ་དྲིན་ཆེ་ཞུས་པ་ཡིན།✌️

༼སྣང་བ་རང་ཡན་པ། ༽
བྱ་ཁྱུ་བར་སྣང་དུ་ལྡིང་།
གཤོག་སྣེ་སྤྲིན་པའི་པང་ལ་རྡེག
སྨྲེང་བ་ཁྱེར་བའི་རླུང་བུ་དང་འགྲོགས་ནས།
གང་ལ་འཕུར།

ཞེ་འདང་གི་ནམ་མཁའ་སྔོན་པོ་དེ།
ཉི་ཟླའི་དྲོད་འཁོལ་འཁྱིལ་ས་ཡིན།
དྭངས་གཙང་གི་སྤྲིན་གྱི་བང་རིམ་དེ།
འཁྱགས་རོམ་གྱི་མུ་ཏིག་ལྷུང་ས་ཡིན།
མཐའ་ཡས་པའི་བར་སྣང་སྟོང་བ་དེ།
འཇའ་རིས་ཀྱི་གུར་ཁང་ཕུགས་ས་ཡིན།
ཆགས་རིམ་འདི་སྲིད་ཀྱི་བདེན་པ་ཡིན་ནམ།

ལྡེབས་རིས་སུ་གསལ་བའི་ཐིག་རིས་གྱ་གྱུ་དེ།
བཟོད་པར་དཀའ་བའི་དྲན་གདུང་གི་ཚོར་འདུ་འདྲ།
དོ་མི་མཉམ་པའི་དབྱངས་ཀྱི་འགྱུར་ཁུགས་འདྲ།
མཚོ་ཆེན་པོ་དེ་དག་མིག་མཐའ་ནས་ཟགས་པའི་མཆི་མས་བསྐང་ངམ།
རི་མཐོ་བོ་འདི་དག་ཡ་ཆུང་ནས་ཤོར་བའི་དབུགས་རིང་གིས་བཏེགས་སམ།
སྐྱིད་སྡུག་དེ་ཁ་དོག་ཡིན་ན།
འཚོ་བ་འདི་མངར་ལ་སྐྱུར་ན།
ལྡེབས་རིས་དེ མ་གཞི་ནས་ཆོས་ཉིད་ཀྱི་འགྲེལ་བ་ཞིག་རེད།

དབུགས་རྒྱུན་སྐད་ཅིག་ལ་ཡལ།
སྣང་བ་སྐད་ཅིག་ལ་འཁྲུལ།
རེ་དོགས་ཐར་ཐོར།
རླུང་གིས་ཁུར་བའི་ལོ་མར་འཁྱུད།

ཡོད་ཚད་བཞུད་ཚར་བ་ན།
མཛེས་སྡུག་ཡོངས་སུ་བལྟམས་དུས།
གཏིང་ན་ལྷག་པ་དམར་ཆུང་གི་སྙིང་རེད།

ཤེས་པས་ཟིན་པའི་དྲན་པ་མཐའ་དག་རབ་རིབ་ལ་འགྱུར་དུས།
ཞེན་ཆགས་ཀྱི་སྣེ་མོ་ཟད།
དྲན་པ་དང་སྨྲ་སྒོ་འགག་ཡོད།

ཁྱོད་རི་རྩེ་ལ་ཡོད་དུས།
ང་རི་འདབས་སུ་ཡོད།
ཁྱེད་ཀྱིས་ཉི་མར་ལྟ་སྐབས།
ངས་ཟླ་བར་རག་གིན་ཡོད།
སྐར་ཚོགས་དེ་བར་ཐག་དང་དུས་ཚོད་བར་ལྷུང་བའི་མཛེས་སྡུག་གི་མངར་ཁ་ཡིན་ཆོག
ཚིག་གི་རི་མོ་འདི་ཆོས་ཉིད་བརྡར་བའི་བསམ་གཞིགས་ཀྱི་ཐིག་ཤིང་ཡིན།

འཁོར་བའི་ལམ་ན་ལན་ཆགས་ཁུར་བོ་མང་།
དམྱལ་བའི་འཕྲང་ན་འཇིགས་སྐྲག་སྡུག་བསྔལ་མང་།
འཇིག་རྟེན་ཁམས་ན་ཁྲ་ཁྲ་རིག་རིག་མང་།
རྨི་ལམ་ཞིང་ན་བདེན་པ་གཅིག་ཀྱང་མེད་།
འཇིག་རྟེན་འཁོར་བའི་ལས་ལ་ཡིད་རེ་སྐྱོ།
གཟིམས་བདེ། https://t.cn/EX9om4i